Վեց բան, որ միշտ պետք է հիշել
19:15 2 սեպտեմբերի, 201780/20-ի կանոն (Պարետոյի օրենքը)
Պարետոյի կամ 80/20-ի օրենքը նշանակում է՝ 20% ջանք եւ 80% արդյունք, իսկ ուժերի մնացած 80%-ը տալիս են 20%-ի արդյունք։ Օրինակ՝ պարտադիր չէ մառանը կամ նկուղը ամեն օր մաքրել, քանի որ դրանք այնքան էլ հաճախ չեն օգտագործվում, իսկ խոհանոցը կամ լոգարանը ամեն օրյա մաքրության կարիք ունեն։ Այսպիսով, ձեր բնակարանում սենյակների 20%-ն են պահանջում ձեր ուշադրության եւ ջանքերի 80%-ը։ Այս դեպքում տունը մաքրելու խնդիրն ավելի արդյունավետ կլուծվի։ Կենտրոնացիր եւ ժամանակը ծախսիր արդյունավետ գործերի վրա։
Պարկինսոնի օրենքը
Պարկինսոնի օրենքի համաձայն՝ աշխատանքը սպառում է դրա կատարմանը հատկացված ամբողջ ժամանակը։ Այսինքն՝ եթե գործատուն հանձնարարում է մեկ ամսում կատարել մի աշխատանք, որը կարելի է ավարտին հասցնել մեկ շաբաթում, ապա աշխատողը անպայման այն կանի մեկ ամսում՝ դժվարացնելով եւ երկարացնելով աշխատանքն կատարելու գործընթացը։ Իսկ եթե սահմանված ժամկետը լինի մեկ շաբաթ, նա կկենտրոնանա իր գործի վրա եւ արդյունավետ կկատարի այն։ Այսինքն՝ պետք է ավելի արագ գործել։
Նախ՝ տալ, հետո՝ ակնկալել
Հենց սա է ճիշտ հերթականությունը։ Սկզբում պետք է տալ, իսկ հետո ակնկալել, քանի որ միայն այսպես դու կստանաս այն, ինչը ցանկանում եւ երազում էիր։ Հիշիր, աշխարհում ամեն րոպե իրականանում է ինչ-որ մեկի երազանքը։ Վաղը միգուցե հենց քոնը կատարվի։ Ոչ մեկը երբեք իր տվածից ավելին չի ստացել։
Սխալներն ու անհաջողությունները նորմալ են
Դրանք անգնահատելի փորձ կարող են լինել քեզ համար։ Անհաջողությունները կարող են խթան դառնալ քո հաջողության ճանապարհին։ Սխալներից պետք չէ հիասթափվել, դրանք երբեմն կարող են դրական ազդեցություն ունենալ քո կյանքում։
Դյուրությամբ ծանոթացեք եւ շփվեք
Ցանկացած հանդիպում մի պատմություն է, եւ դրան պետք է լուրջ վերաբերել։ Եթե անծանոթ մարդկանց հետ շփվում ես այնպես, ինչպես քո մտերիմների, ուրեմն ավելի ինքնավստահ, ավելի անկեղծ մարդու տպավորություն ես թողնում եւ դրականորեն ազդում դիմացինի վրա։
Ձեր վերաբերմունքը փոխում է իրականությունը
Հոռետեսությունը կարող է քողարկվել իրատեսության դիմակի տակ: Այդ պատճառով ամեն անգամ դուք «ճիշտ» եք: Մյուս կողմից՝ ավելի լավ է ո՛չ միշտ այդպիսին լինել, քանի որ ժամանակի ընթացքում մենք սովորում ենք գտնել միայն այն, ինչ փնտրում ենք...
Աղբյուրը՝ Klubber.ua