Սխալներ, որոնք տղամարդիկ թույլ են տալիս ժամադրության ընթացքում

Չափազանց լռակյացություն

Եթե ժամադրության ընթացքում զգում ես, որ նա չի փորձում նախաձեռնություն ցուցաբերել շփման հարցում եւ ոչ մի հարց չի տալիս, մի մեղմացրու անհարմար իրավիճակը: Նրա լռությունը մի քանի բանի մասին կարող է վկայել. 1) իրականում նա չի ցանկանում քո մասին նոր բան իմանալ, 2) չի կարողանում երկու բառ կապել, 3) նա չափազանց ամաչկոտ է:

Քիչ է պատմում իր մասին

Եթե տղամարդը շատ հարցեր է տալիս, իսկ ժամադրությունից հետո հասկանում ես, որ նրա մասին միայն երկու բան գիտես՝ նրա անունը եւ այն, որ նա կարողանում է խոսել, այնքան էլ լավ տարբերակ չէ: Նման տղամարդիկ կասկած են հարուցում: Հարց է առաջանում. կա՛մ նա թաքցնելու բան ունի, կա՛մ պարզապես իր մասին պատմելու բան չունի:

Աշխատանքի մասին զրույց

Եթե միեւնույն հետաքրքրություններն ունեք եւ երկուսդ էլ տարված եք աշխատանքով, շնորհավորում ենք, ժամադրությունը հետաքրքիր կլինի: Բայց եթե քեզ չի հետաքրքրում նրա գործունեությունը, իսկ նա անընդհատ իր կարիերայի մասին է խոսում, կա՛մ համբերությամբ զինվիր, կա՛մ...

Հեռախոս

Եթե ժամադրության ժամանակ նա հետեւում է սոցցանցերին կամ ինչ-որ մեկի հետ նամակագրության մեջ է, առանց մտածելու հեռացիր: Ի՞նչ իմաստ ունի շփվել մի մարդու հետ, եթե նա լավ է զգում իր վիրտուալ աշխարհում:

Մեկնաբանում է պատվերդ

Շատ է զայրացնում, երբ տղամարդը մեկնաբանում է ռեստորանում պատվերդ: «Դու իսկապես այդ ամենն ուտելո՞ւ ես» կամ «Վստա՞հ ես, որ աղանդերը նույնպես կկարողանաս ուտել»: Այո՛, վստահ եմ, ամեն ինչ էլ կկարողանամ:

Աղջկան այլ կանանց հետ համեմատելը

Դա ամենասարսափելի բանն է, որ կարելի է պատկերացնել: Նա կարող է քեզ պատմել իր նախկինների կամ ժամադրությունների մասին, եւ այդ տեղեկությունն ամենեւին էլ տեղին չի լինում: Մի բան է, եթե ինչ-որ հետաքրքիր բան է տեղի ունեցել, եւ երկուսդ էլ կարող եք ծիծաղել իրավիճակի վրա: Բայց այլ հարց է, երբ պատմությունն ամենեւին էլ ծիծաղելի չէ, իսկ տրամադրությունդ յուրաքանչյուր ասված բառի հետ փչանում է:

Ուժեղ բույրով օծանելիք

Տղամարդիկ, ինչպես եւ աղջիկները, հաճախ մանրակրկիտ նախապատրաստվում են ժամադրությանը՝ երբեմն, սակայն, անցնելով չափը: Ոչ միշտ է հաճելի օծանելիքի կտրուկ եւ սուր հոտը, հատկապես, եթե ընթրելու եք գնացել:

Ալկոհոլ

Եթե նա մեկը մյուսի հետեւից ալկոհոլային խմիչք է պատվիրում, զգոն եղիր. հնարավոր է՝ նա չկարողանա կառավարել իրեն, եւ իրավիճակը դուրս գա վերահսկողությունից: Եթե տեսնում ես, որ չափազանց շատ է խմում, ավելի լավ է՝ բացահայտ մի ասա այդ մասին (եթե լավ չես ճանաչում մարդուն, կարող ես ագրեսիայի բախվել): Պատրվակ գտիր եւ հեռացիր, դա լավագույն տարբերակը կլինի:

Աղբյուրը՝ Ivona