Արդեն մի քանի օր է՝ արեւմտյան մամուլն անդադար գրում է 31-ամյա Էմբեր Հերդի եւ 46-ամյա Իլոն Մասկի բաժանվելու մասին: Ե՛վ միլիարդատերը, ե՛ւ դերասանուհին արդեն հայտարարություն արել են այդ առիթով, իսկ հիմա, մամուլում տարածվող տարբեր լուրերին վերջ դնելու համար, նախկին սիրեկանները որոշել են համատեղ հայտարարությամբ հանդես գալ:
Այն տարածելու առիթն ընձեռվել է People-ին:
«Տարածությունը ճակատագրական դեր խաղաց մեր հարաբերություններում, քանի որ մենք չէինք կարող հաճախ հանդիպել: Իհարկե, բոլոր հարաբերություններում լինում են թռիչքներ եւ անկումներ:
Պաշտոնապես հայտարարում ենք, որ շատ ենք հարգում միմյանց: Տագնապալի է, եթե ինչ-որ մեկի մոտ հակառակ կարծիքն է ձեւավորվել:
Հարկավոր է հաշվի առնել, որ հանրային մարդկանց դեպքում հասարակությունը հակված է ողբերգականացնել իրադարձությունները, քո յուրաքանչյուր քայլին ավելի մեծ նշանակություն տալ, քան իրականում կա: Նույնիսկ կարեւոր չէ, արդյո՞ք դու իսկապես ներգրավված ես այդ ամենում:
Իրականությունն այլ է. մենք սովորական հարաբերություններ ունենք, բայց դրանց մանրադիտակով են հետեւում»,- ասված է հայտարարությունում: