Ջոնի Դեփը ոչ թե պարզապես տաղանդավոր դերասան է, այլ քայլող խարիզմա։
Ի տարբերություն այլ հայտնիների, Հոլիվուդի աստղը հազվադեպ է գովազդում իր բարեգործական ակցիաները, սակայն այս անգամ Ջոնիի բարի գործը չի խուսափել մամուլի տեսադաշտից:
Այսպիսով, 54-ամյա դերասանը կապիտան Ջեք Ճնճղուկի կերպարով Վանկուվերի մանկական հիվանդանոց է այցելել:
Դերասանը կանադական հիվանդանոցում ավելի քան 5 ժամ է անցկացրել, եւ ամենագլխավորը՝ Ջոնին ժամանակ է հատկացրել հիվանդանոցում գտնվող յուրաքանչյուր երեխայի:
Դեփի այցելության հոլովակը հայտնվել է հիվանդանոցի Facebook-յան էջում:
Աղբյուրը եւ լուսանկարները՝ Just Jared