Սեքս սննդակարգ

Ուրիշ ինչո՞վ կարելի է զբաղվել ամռանը))) Եթե ցանկանում եք անվնաս ու հասարակ միջոցով ազատվել մի քանի կիլոգրամից, համատեղել օգտակարը հաճելիի հետ, ապա սեքսով զբաղվեք։

Սեքսը նույն մարզանքն է, որի ընթացքում լավանում է զարկերակն ու արագանում շնչառությունը, հետեւաբար այրվում են կալորիաները։ Սեքսի ժամանակ զարկերակի միջին հաճախությունը կազմում է րոպեում 120 հարված։
Նման զարկերակ է նկատվում բոլոր նրանց մոտ, ովքեր մարզվում են մարզասրահում։

Բացի այդ՝ տեղի է ունենում մարմնի ջերմաստիճանի բարձրացում, ինչը նույնպես նպաստում է նիհարելուն։ Իսկ օրգազմի ժամանակ զարկերակը հաճախանում է՝ հասնելով րոպեում մինչեւ 140 հարվածի, այդ ժամանակ կալորիաները շատ ակտիվ են այրվում։ Եթե սեքսի ժամանակ կալորիաներ են այրվում՝ ուրեմն մարդը կարող է նիհարել։

Բայց նշենք, որ նիհարելու համար պետք է շաբաթական առնվազն հինգ անգամ սեքսով զբաղվել, ընդ որում ամեն անգամ առնվազն մեկ ժամ տեւողությամբ։

Այնպես որ, սեքսից նիհարելու հետ կապված ապշեցուցիչ էֆեկտ ակնկալելուց առաջ արժե սթափ գնահատել սեփական հնարավորությունները։ Շատ կարեւոր է, որ զուգընկերները բավարարված լինեն սեքսով, հակառակ դեպքում նիհարել չի հաջողվի։ Բանն այն է, որ եթե մարդը դժգոհ է սեքսից, նա ուզում է այդ դժգոհությունը փոխհատուցել համեղ ուտելիքով։ Համապատասխանաբար, այդպես նա քաշ է հավաքում։

Իսկ եթե սեքսը բավականություն է պատճառում, այդ դեպքում շատ ուտելու պահանջը վերանում է։ Եվ այսպես, սեքս սննդակարգի էությունը մարդու սեռական կյանքը բարելավելն է։

Մարդը բավականություն է ստանում եւ ուտելիքից, եւ սեքսից, որովհետեւ այդ ընթացքում մարդն ուրախություն է զգում։

Պարզապես պետք է սովորել սեքսից ավելի շատ ուրախություն ստանալ, քան ուտելիքից։ Այդ դեպքում սեքս սննդակարգն արդյունավետ կլինի ու կկարգավորի ձեր քաշը։

Աղբյուր՝ your-diet.ru-ի