Շերը եւ այլ աստղեր՝ Բարսելոնի ահաբեկչության մասին
15:10 18 օգոստոսի, 2017Երեկ Բարսելոնում ահաբեկչություն է իրագործվել: Անհայտ անձը բեռնատարով մխրճվել է մարդկանց բազմության մեջ՝ սպանելով 13 հոգու։
Մի խումբ աստղեր Բարսելոնին իրենց աջակցությունն են հայտնել։
Շեր. «Իմ սերն ու ցավակցություններն եմ հղում Բարսելոնի բոլոր բնակիչներին: Ես ձեր քաղաքում եղել եմ, այն մշտապես լեցուն է ուրախությամբ ու գեղեցկությամբ»:
Իսկ դերասան Անտոնիո Բանդերասը հայտարարել է, որ ցավակցում զոհերի ընտանիքներին:
Բարաք Օբամա. «Ես եւ Միշելը միասին մտածում ենք բոլորի մասին, ովքեր հիմա իրենց ընտանիքներով Բարսելոնում են: Ամերիկացիները մշտապես կօգնեն իրենց իսպանացի բարեկամներին»:
Դեւիդ Բեքհեմ. «Մեր բոլոր մտքերն այն մարդկանց հետ են, որոնք այս սքանչելի քաղաքում զոհվեցին այդ սարսափելի երեկոյան… Բարսելոնը յուրահատուկ քաղաք է՝ աներեւակայելի հրաշալի մարդկանցով…»։
Եվա Լոնգորիա. «Աղոթում ենք Բարսելոնի համար»:
Քեթրին Զետա Ջոնս. «Մենք բոլորս Աստծո զավակներն ենք: Ես Բարսելոնային եմ հղում իմ սերն ու աղոթքները… Այն իմ ամենասիրելի քաղաքն է, որտեղ անցյալ ամռանը գտնվում էի դստերս հետ...»։
Քրիս Ջեներ. «Ես իմ սերն եմ ուղարկում Բարսելոնին եւ Իսպանիայի բոլոր բնակիչներին: Խորապես ցավակցում եմ բոլոր տուժածներին, նրանց ընտանիքներին ու ընկերներին եւ բոլոր նրանց, որոնք այս սառնասիրտ հանցագործության ականատեսն են դարձել...»։
Պենելոպա Քրուզ. «Այնքան տխուր է»:
Ջենիֆեր Լոպես. «Իմ սերն եմ հղում այս երկրին եւ այս քաղաքին, այս հրաշալի մարդկանց… Մենք ձեզ հետ ենք»:
Աջակցությամբ են հանդես եկել նաեւ երաժիշտ Լիամ Գալահերը, Imagine Dragons խումբը, դերասան եւ քաղաքական գործիչ Առնոլդ Շվարցենեգերը, դերասան Էլայջա Վուդը, դերասանուհի Գալ Գադոթը: