15 մլն դիտում՝ 12 ժամում. Քեթի Փերին ներկայացրել է Swish Swish երգի հոլովակը
14:04 25 օգոստոսի, 2017Վերջերս Օռլանդո Բլումից բաժանված Քեթի Փերին (ըստ լուրերի՝ երգչուհին եւ դերասանը մտադիր են նորից միանալ) Youtube-ի KatyPerryVEVO ալիքում երեկ երեկոյան ներկայացրել է Swish Swish երգի նոր հոլովակը:
Տեսահոլովակը 12 ժամում 15 մլն դիտում է գրանցել։ Իհարկե, քննադատներն ու երկրպագուները միանշանակ չեն արձագանքել երգչուհու նոր տեսահոլովակին: Նրանց (նաեւ՝ NEWS.am STYLE-ի) կարծիքով՝ տեսահոլովակը փրկում է Նիկի Մինաժը:
Մինաժից բացի՝ հոլովակում ներկայացել են նաեւ Հաֆթոր Բյերնսոնը, որը խաղացել է «Գահերի խաղում» (Գրիգոր «Լեռ» Կլիգանի դերը սերիալի 4-րդ սեզոնում), մարզիկ Թերի Քրյուսը, դերասան Գեյթեն Մատարացոն եւ այլք: