Աչքերի շուրջ գոյացած կնճիռների դեմ լավագույն քսուքն այն է, որ պարունակում է ակտիվ կոմպոնենտներ, սնուցող, խոնավեցնող նյութեր եւ օգնում է նուրբ մաշկը պահպանել ուլտրամանուշակագույն ճառագայթումից: Տարբեր տարիքի համար առանձին կրեմներ կան: Այդ մասին NEWS.am STYLE-ին կպատմի կոսմետոլոգ Անահիտ Վարդանյանը:
«Աչքերի շուրջ առկա կնճիռների դեմ «anti-age» նշումով քսուքները կատարելապես հարմար են 40-ն անց կանանց համար: Այդ տարիքում մաշկի վերականգնողական գործառույթը զգալիորեն դանդանում է, կալոգենի եւ էլաստինի արտադրությունը նույնպես դանդաղ է ընթանում:
Աչքերի շուրջ կնճիռների դեմ քսուքը երբեք մի օգտագործեք քնելուց անմիջապես առաջ: Դա կբերի նրան, որ առավոտյան կոպերն ուռած կլինեն: Ցանկալի է այն օգտագործել քնելուց 30 րոպե առաջ:
45-50-ից բարձր տարիքի կանայք պետք է աչքերի շուրջ առաջացած կնճիռների դեմ միջոց ընտրեն «tretinoin» նշումով: Այն նպաստում է կալոգենի եւ էլաստինի արտադրման ակտիվացմանը: Երկշաբաթյա պարբերական օգտագործման արդյունքում մաշկը վերականգնում է առաձգականությունը, նույնիսկ խորը կնճիռները պակաս նկատելի են դառնում:
Ամենից արդյունավետը համարվում են պենտապեպտիդներ եւ ռետինոլ պարունակող քսուքները: Այս նյութերն օգնում են արագորեն ազատվել մանր կնճիռներից եւ ավելի պակաս արտահայտիչ դարձնել խորը կնճիռները: Օրինակ՝ կնճիռների դեմ Vichy կրեմը խորը կնճիռների կրճատմանը նպաստում է ընդամենը 2-3 շաբաթվա ընթացքում: Այն օգտագործել կարելի է 25 տարեկանից սկսած:
Աչքերի շուրջ առաջացած կնճիռների դեմ քսուք գնելիս ուշադիր կարդացեք դրա բաղադրությունը: Օգտագործեք միայն ձեր տարիքին համապատասխան միջոց: Եթե 25 տարեկանում անհրաժեշտ է ակտիվ խոնավեցում, ապա 50 տարեկանում հնարավոր չէ առանց սնուցող միջոցների»: