Ռուսական Vogue-ը՝ Ալեքսանդր Սիրադեղյանի «Նազանի» հավաքածուի մասին
12:54 29 օգոստոսի, 2017ՌԴ-ում հայտնի կոշիկի դիզայներ Ալեքսանդր Սիրադեղյանը թողարկել է աշուն-ձմեռ 2017/2018 հավաքածուն, որն անվանել է Nazani («Նազանի»):
Եվ, ահա, ռուսական Vogue-ը անդրադարձել է հայազգի դիզայների նոր աշխատանքներին, որոնցում, բացի կոշիկներից, տեղ են գտել նաեւ գուլպաներ.
«Ալեքսանդր Սիրադեղյանի աշուն-ձմեռ հավաքածուն կոչվում է Nazani։ Դիզայները ոգեշնչվել է հայկական մշակույթի պատմությամբ, նրբաճաշակ եւ կիրթ աղջկա կերպարից։ Բացի էքստրավագանտ կոշիկներից, հավաքածուի մեջ տեղ են գտել նաեւ գուլպաներ։ Հինգ զույգ, որոնցից մեկը կարված է արծաթյա թելերով»,-գրում է Vogue Russia-ն՝ հավելելով, որ գուլպաներից յուրաքանչյուրն օրիգինալ է իր տեսակով.
«Դրանցից մեկի նախշը հայկական տառերի միահյուսումն է, հաջորդ զույգի վրա ավանդական գորգի նախշերի արտացոլումն է»։
Ի դեպ, կայքը գրել է, որ Սիրադեղյանի գուլպաների հավաքածուն կարելի է գնել առաջիկա Vogue Fashion's Night Out-ի ընթացքում։
Հավաքածուի շնորհանդեսը տեղի կունենա սեպտեմբերի 6-ին։