Spice Girls-ի նախկին երգչուհուն եւ Գարի Մադաթյանին նորից «բռնացրել» են միասին
10:11 2 սեպտեմբերի, 2017Եթե Քանյե Ուեսթն ու Դուեյն Ջոնսոնն ապացուցում են, որ հայուհիների հմայքին դիմանալն անհնար է, ապա Սերենա Ուիլյամսը, իսկ հիմա՝ նաեւ Spice Girls-ի նախկին անդամ Մել Բին, ապացուցում են, որ կանանց դժվար է դիմանալ հայ տղամարդկանց առջեւ:
Եվ այսպես... օրերս հայտնի դարձավ, որ Մել Բին սիրավեպ ունի հայ ոճաբան Գարի Մադաթյանի հետ: Զույգին նկատել էին Լոս Անջելեսի Tao ակումբում համբուրվելիս:
Գարի Մադաթյանին է պատկանում Բեւեռլի Հիլզի Boom Boom & Beyond սրահը: Գարին ավելի ուշ Երեւան է ժամանել՝ ԵՊՀ-ում սովորելու, նաեւ ոճաբան է աշխատել հայկական հեռուստատեսությունում:
Լոս Անջելեսի պապարացիները երեկ կրկին նկատել են երգչուհուն, այս անգամ 6-ամյա դստեր՝ Մեդիսոնի եւ Գարի Մադաթյանի հետ:
42-ամյա Մել Բին եւ Գարին՝ վերջինի ավտոմեքենայում:
Մադաթյանը երգչուհուն օգնել է պայուսակները տանել: Ուր է գնացել եռյակը՝ հայտնի չէ:
Աղբյուրը՝ Daily Mail
Լուսանկարները՝ Instarimages.com-ի