Զգուշացեք՝ սփոյլեր. Ջեյմս Բոնդը նոր ֆիլմում ամուսնանում է եւ հեռանում հետախուզությունից
16:27 5 սեպտեմբերի, 2017Օգոստոսի կեսերին հայտնի դարձավ, որ Դենիել Քրեյգը նորից հանդես է գալու բրիտանացի լրտես Ջեյմս Բոնդի դերում, չնայած մինչ այդ նա բազմիցս էր հայտարարել, որ այլեւս չի խաղալու այդ դերում:
Ըստ Page Six-ի՝ Ջեյմս Բոնդի մասին ֆիլմաշարի նոր ժապավենի վերաբերյալ որոշ մանրամասներ են հայտնի դարձել:
Նոր ֆիլմի պրեմիերան կայանալու է 2019 թվականի նոյեմբերին, սակայն, սյուժեի համաձայն, Բոնդը հեռանում է հետախուզությունից, ամուսնանում ընկերուհու հետ (նրան կարող է մարմնավորել Լեա Սեյդուն), որին հետո առեւանգում են, գերեվարում եւ... սպանում:
Բոնդը վերադառնում է հետախուզություն եւ սկսում է վրեժ լուծել: 
Ժապավենն առայժմ անվանում չունի, բայց, հիշեցնենք, սա Բոնդի մասին 25-րդ ֆիլմն է լինելու: