5 պատճառ, թե ինչու հմայիչ մարդիկ չեն գտնում իրենց կեսին
18:12 29 հոկտեմբերի, 2017Քանի որ շատ են հնարավորությունները
Թեպետ սա այնքան էլ լուրջ խնդիր չի թվում, բայց լայն ընտրությունը կարող է բարդ լինել։
Երբ շուրջբոլորդ ծանոթությունների մեծաթիվ տարբերակներ կան, մեկ մարդու հետ մշտական հարաբերություններ պահպանելը կարող է դժվարանալ։ Վերջին հաշվով, ծանոթությունը կարող է բերել սիրահարվածության եւ ամուր կապի ամբողջ կյանքի համար։ Բազմաթիվ տարբերակներից մեկին ընտրելու գաղափարը կարող է բարդ լինել։
Հնարավոր զուգընկերները վախենում են ձեր տարբերակներից
Հմայիչ մարդիկ կարող են պոտենցիալ զուգընկերներին վախեցնել առաջին քայլն անել, քանի որ նրանք գիտակցում են, որ դուք ընտրության լայն հնարավորություն ունեք։ Դա կարող է խանգարել բարի, լավ մարդուն նախաձեռնությունն իր ձեռքը վերցնել եւ ձեզ ավելի մոտիկից ճանաչել։ Միգուցե նա չի ցանկանում մրցակցել որեւէ մեկի հետ հանուն մտերմության։ Այդ պատճառով մարդիկ հաճախ ռիսկի չեն դիմում, քանի որ վախենում են մերժված լինելուց։
Նրանց արտաքին տեսքը դատավորի է հիշեցնում
Վերջին հաշվով, արտաքինն առաջին բանն է, ինչ մարդիկ տեսնում են հանդիպելիս։ Հմայիչ եւ ոչ այնքան հմայիչ մարդկանց կարելի է գնահատել հայացքով՝ անկախ այն հանգամանքից, թե այդ արտաքինը համապատասխանում է դասական շիկահերի կերպարին, թե ոչ։ Իսկ եթե առաջին հայացքից մարդիկ ինչ-ինչ եզրակացություններ են անում, դա դժվարացնում է հետագա հարաբերությունները, քանի որ նրանք արդեն ձեր մասին կարծիք են կազմել ձեր արտաքինով։
Մարդիկ ցանկանում են նրանց օգտագործել՝ հանուն իրենց շահերի
Գրավիչ մարդիկ հաճախ բախվում են յուրօրինակ խնդրի։ Մարդիկ նրանց օգտագործում են գեղեցիկ արտաքինի եւ մարմնի համար։ Նրանք հանդիպում են մարդկանց, որոնք փորձում են մտերմանալ խարդախության եւ կեղծիքի միջոցով։ Իսկ մտերմության հասնելուց հետո պարզապես լքում են։ Դա կարող է հանգեցնել այն բանի, որ մարդը պարզապես դադարում է վստահել մյուսներին՝ հասկանալով, որ իրեն շահագործում են։
Մարդիկ ենթադրում են, որ նրանք զուգընկեր չունեն
Գեղեցիկ մարդիկ կրում են պիտակ, որը ենթադրում է հարաբերություններում ազատություն։ Գրավիչ մարդիկ հաճախ ընկալվում են որպես սեքսուալ էակներ, եւ ոչ ավելին։ Որպես կանոն՝ հասարակությունը հրաժարվում է նրանց մեջ մարդկանց տեսնել, որոնք ունեն իրենց կարծիքն ու հետաքրքրությունները։ Դա կարող է շատ դժվար լինել եւ խանգարում է անձնական կյանքին։
Աղբյուրը՝ Klubber.ua