«Գոնե ինչ-որ առումով մակարդակով մոտեցա Հենրիխ Մխիթարյանին». Գարիկ Մարտիրոսյան
10:07 9 սեպտեմբերի, 2017Սեպտեմբերի 15-ին մեկնարկում է Comedy Club-ի նոր սեզոնը, եւ Գարիկ Մարտիրոսյանը մշտապես Instagram-ի բաժանորդների շրջանում հետաքրքրություն է առաջացնում զվարճալի որեւէ լուսանկարով կամ տեսանյութով: Այս անգամ շոումենը տեսանյութ է հրապարակել, որի գլխավոր հերոսն ինքն է:
Հոլովակում հաղորդվում է, որ պատրաստվում էին Comedy Club բերել Արարատ Քեշյանին, սակայն ТНТ-ի «տրանսֆերի օրենքի» համաձայն՝ ալիքի յուրաքանչյուր ծրագրում ընդամենը մեկ հայ պետք է լինի)))
«Ողջույն բոլորին: Ահա թե ինչու են ինձ այդքան գնահատում ComedyClub-ում։ Ես գոնե ինչ-որ առումով մակարդակով մոտեցա MU-ից Հենրիխ Մխիթարյանին. նա նույնպես այնտեղ միակն է Հայաստանից»,- տեսանյութը մակագրել է Մարտիրոսյանը: