Բենեդիկտ Քամբերբեթչը երկրպագուների հետ հանդիպման շնորհիվ 500 հազար դոլար է վաստակել
16:05 12 սեպտեմբերի, 2017«Շերլոք» սերիալի 41-ամյա աստղ Բենեդիկտ Քամբերբեթչը երկրպագուների հետ երկու հանդիպման շնորհիվ 500 հազար դոլար է վաստակել, գրում է Daily Mail-ը:
The Sun-ի փոխանցմամբ էլ՝ բրիտանացի դերասանն այս տարվա հուլիսին (լրագրողներն այդ մասին հիմա են իմացել) այդքան գումար է աշխատել երկու օրում՝ ինքնագրեր բաժանելով երկրպագուներին եւ լուսանկարվելով նրանց հետ:
Լրագրողները պարզել են, որ ամռանը կազմակերպված՝ դերասանի եւ երկրպագուների հանդիպման ժամանակ վերջինները 75 ֆունտ են վճարել՝ աստղի հետ մեկ լուսանկարի համար, ինչպես նաեւ 85 ֆունտ՝ ինքնագրի համար: Meet and greet ամբողջական փաթեթը՝ լուսանկար, ինքնագիր եւ աստղի հետ զրույց, 225 ֆունտ է արժեցել:
Գումարը դերասանը բարեգործության է ուղղել՝ դրանք տրամադրելով փախստականների օգնության հիմնադրամին:
Դերասանն ու ժապավենից նրա խաղընկերուհի Քեթրին Ուոթերսթոնը՝ պրեմիերային
Դերասանը ներկայում մասնակցում է Տորոնտոյի կինոփառատոնին, որտեղ կայացել է նրա մասնակցությամբ Current war («Հոսանքների պատերազմ») ֆիլմի պրեմիերան:
Լուսանկարները՝ Wenn-ի, Getty-ի, PA-ի