Exclusive. Հայկո Հովհաննիսյանը նշանվել է. դերասանը՝ սիրելիի եւ առաջիկա հարսանիքի մասին (ֆոտո)
10:31 13 սեպտեմբերի, 2017Սերիալներից հայտնի դերասան Հայկո Հովհաննիսյանը նշանվել է: Այս մասին Հայկն առաջինը տեղեկացրեց NEWS.am STYLE-ին՝ մեկնաբանելով Facebook-ի իր էջում տեղադրված լուսանկարի շուրջ առաջացած աղմուկը:
«Այո, ընտրյալ ունեմ, ավելին՝ արդեն նշանվել ենք: Լուսանկարի աղջիկը Աննան է՝ նշանածս: Մեր նշանադրության արարողությունը տեղի է ունեցել այս գարնանը: Նախկինում չէի բարձրաձայնում այս նորությունը, որովհետեւ չեմ սիրում խոսել անձնական կյանքիս մասին»,-նշեց դերասանը` հավելելով, որ ընտրյալը շոու-բիզնեսի հետ որեւէ կապ չունի.
«Իմ ընտրյալն ուղղակի չէր կարող կապ ունենալ շոու-բիզնես ասվածի հետ»,-ասում է Հայկոն: Ինչ վերաբերում է առաջիկա հարսանիքին՝ դերասանը կոնկրետ օր չնշեց, սակայն տեղեկացրեց, որ այն սարերի հետեւում չէ:
Հայկը նաեւ NEWS.am STYLE-ին տրամադրեց իր եւ սիրելիի լուսանկարները, որոնք էլ ներկայացնում ենք ստորեւ:
Սյունե Առաքելյան