Նյու Յորքի Նորաձեւության շաբաթը շարունակվում է: Երեկ տեղի է ունեցել Coach 1941-ի գարուն/ամառ 2018 հավաքածուի ցուցադրությունը, որին ներկա են եղել Աննա Վինտուրը, Էմմա Ռոբերթսը, Սելենա Գոմեսը, իսկ մոդելները պոդիում են բարձրացել Սինդի Քրոուֆորդի 16-ամյա դստեր՝ Քայա Գերբերի գլխավորությամբ:
Քայա Գերբեր
Վիննի Հարլոու
Հավաքածուի համար ոգեշնչման աղբյուր են դարձել ամերիկացի նկարիչ Քիթ Հարինգի ստեղծագործությունները:
Հարինգի գործերից պատկերները հայտնվել են ամեն ինչի վրա՝ սվիտերների, ջինսե բաճկոնների, մորթե անթեւ բաճկոնների, մարզաշապիկների: Դրանցից մեկի վրա պատկերել են նաեւ Հարինգի դիմանկարը, որը մահացել է 1990 թվականին 31 տարեկանում, ՁԻԱՀ-ի հետեւանքով առաջացած բարդությունների պատճառով:
Ապրանքանիշի ստեղծագործական տնօրեն Ստյուարտ Վեվերսը միավորել է Հարինգի ստեղծագործություններն ու 1930-ական թվականների ռետրո կերպարների հանդեպ իր սերը:
Սելենա Գոմես
Էմմա Ռոբերթս
Ջեսինթա Ֆրանկլին
Աղբյուրը՝ Vogue
Լուսանկարները՝ Getty-ի