Այսօր՝ սեպտեմբերի 14-ին, ծնվել է բրիտանացի հայտնի երգչուհի եւ երգահան Էմմի Ուայնհաուսը: Էմմին կդառնար 34 տարեկան...
Երգչուհին հայտնի է իր յուրահատուկ վոկալով եւ ժանրային միքսերով: Ուայնհաուսի առաջին ալբոմը, որը կոչվում է Frank, Բրիտանիայում մեծ արձագանք ստացավ, իսկ Back to Black ալբոմը արժանացել է միանգամից հինգ «Գրեմմի» մրցանակի:
Ցավոք, ինչպես շատ հաջողակ հայտնիներ, Էմմին եւս ունեցել է կախվածություն թմրանյութերից եւ ալկոհոլից:
Երգչուհին մահացել է 2011 թ-ի հուլիսի 23-ին՝ 28 տարեկան հասակում: Մահվան պատճառ է դարձել ալկոհոլային թունավորումը: Ուայնհաուսի յուրօրինակ ձեռագիրն ու հիթերը, սակայն, կապրեն դեռ երկար տարիներ:
Այսօր ներկայացնում ենք երգչուհու հայտնի մեջբերումներից մի քանիսը:
«Ես ամեն օր եմ սիրահարվում, բայց ոչ թե մարդկանց, այլ իրավիճակիներին»:
«Կյանքը կարճ է, ամեն ինչ էլ կարող է պատահել, ու սովորաբար հենց այդպես էլ լինում է: Դրա համար ժամանակ չկա նստել ու մտածել բոլոր «եթե»-ների, «իսկ»-երի ու «բայց»-երի մասին»:
«Ամեն վատ իրավիճակ առիթ է դառնում ստեղծելու որեւէ երգ»:
«Ես երաժիշտ եմ, այդ պատճառով էլ ես այնքան էլ լավ չեմ կարողանում լուսանկարվել, ինչպես մոդելները»:
«Իմաստ չեմ գտնում ճշմարտության փոխարեն այլ բաներ խոսելու մեջ»:
«Չէի ասի, թե ֆեմինիստ եմ, բայց տանել չեմ կարողանում այն աղջիկներին, որոնք ձեւացնում են, թե հիմար են, միայն որովհետեւ այդպես ավելի հեշտ է»:
«16 տարեկանից զգում եմ, որ սեւ ամպեր են կուտակվել գլխիս վրա»:
«Ես ամենաերջանիկն եմ լինում, երբ ընտանիքս կողքիս է»:
«Այո, ես իսկապես տառապում եմ դեպրեսիայով, բայց կարծում եմ՝ դա զարմանալի չէ, շատ մարդիկ են տառապում դրանով»:
«Ես միշտ գրում եմ այն երեւույթների մասին, որոնք զգացել եմ, որոնց միջով անցել եմ: Երբ դրանք վերածում եմ երգի ու երգում, ինձ ավելի հանգիստ եմ զգում»: