Օրնելլա Մուտին Երեւան է ժամանել (տեսանյութ)

17:05   19 սեպտեմբերի, 2017

Օրնելլա Մուտին Երեւան է ժամանել՝ մասնակցելու Հայաստանի անկախության 26-ամյակին նվիրված համերգին: Այն տեղի կունենա այսօր, Կարեն Դեմիրճյանի անվան մարզահամերգային համալիրում:

Համերգը, որը նվիրված է նաեւ «Ծագումով հայերը» հաղորդաշարի 10-ամյակին, տեղի կունենա Հայաստան-Սփյուռք 6-րդ համաժողովի շրջանակում՝ «Փոխադարձ վստահություն, միասնականություն եւ պատասխանատվություն» կարգախոսով:

Իտալացի հայտնի դերասանուհին Հայաստան է եկել որպես հյուր եւ Instagram-ում արդեն տեսանյութ է հրապարակել:
Հայաստան են ժամանել նաեւ «Կարիբյան ծովի ծովահենների» աստղ Մարկո Խանը, Կարո Փայլանը, Միշել Լեգրանը, Էլլադա Չախոյանը եւ այլ հայտնի հայեր:



© NEWS.am STYLE