56-ամյա Ջորջ Քլունին կստանա Կինոարվեստի ամերիկյան ինստիտուտի պատվավոր մրցանակը, գրում է Metro-ն։
Քլունին կդառնա 46-րդ դերասանը, որին շնորհվում է այս մրցանակը։ Դերասանն այն կստանա գալիք տարվա հունիսին՝ Լոս Անջելեսում։
«Քլունին էկրանի ժամանակակից կուռք է, որը համատեղում է անցած ժամանակների գլամուրը կինոյի ոլորտից դուրս ակտիվ գործունեության հետ։ Ջորջն ԱՄՆ-ի ամենաազդեցիկ մարդկանցից մեկն է»,- այսպես են իրենց որոշումը մեկնաբանել Կինոարվեստի ամերիկյան ինստիտուտի ներկայացուցիչները։
Դերասանի համար սա առաջին նման մրցանակը չէ։ 2015-ին Օտարերկրյա մամուլի հոլիվուդյան ասոցիացիան նրան շնորհել է Սեսիլ Բ․ Դե Միլի անվան մրցանակ՝ կինոմատոգրաֆում ունեցած ավանդի համար։