Չնայած Ջասթին Բիբերը մինչեւ ականջների ծայրը խրվել է կրոնի մեջ, այնուամենայնիվ, սիրավեպ է սկսել մոդել Պաոլա Պաուլինի հետ: Արդեն 2-3 շաբաթ է՝ լուրեր են շրջանառվում երգչի եւ 26-ամյա բրազիլուհի մոդելի հարաբերությունների մասին:
Ի դեպ, հարկ է նշել, որ Պաոլան Ջասթինի հետ միեւնույն եկեղեցին է այցելում, որտեղ ինչ-որ ժամանակից սկսել է գնալ հանրահայտ երգիչը:
Երկու օր առաջ զույգին Բեւերլի Հիլզում «բռնացրել» են եկեղեցուց դուրս գալիս, իսկ երեկ՝ ռեստորանից դուրս գալիս:
Լուսանկարիչները հասցրել են զույգին լուսանկարել ավտոմեքենայի մեջ:
Ինսայդերները հայտնում են, որ 23-ամյա Ջասթինը աղջկան լրջորեն է սիրահարվել, չնայած «լուրջ» բառը Բիբերին այնքան էլ չի համապատասխանում:
«Նրանք տարված են միմյանցով, սակայն դեռեւս ապագայի ծրագրեր չեն կառուցում:
Ջասթինի համար կարեւոր է, որ Պաոլան իր հետ եկեղեցի է գնում պատարագի»,- հայտնել է US Magazine-ի աղբյուրը: