Մինչ Ջոն Մալկովիչը Երեւանում մասնակցում էր Արամ Խաչատրյանի անվան 5-րդ երաժշտական փառատոնին, Հայաստան է ժամանել Սերժ Թանկյանը։
Այսօր երեկոյան երաժիշտը բարձր տրամադրությամբ ժամանել է Երեւան: «Զվարթնոց» օդանավակայանի VIP սրահից դուրս գալիս NEWS.am STYLE-ի թղթակցի հարցին, թե որն է նրա` Հայաստան այցի նպատակը, Թանկյանը կատակով ասաց.
«Ես պետք է բանակցություններ վարեմ Դոնալդ Թրամփի եւ Կիմ Չեն Ընի միջեւ՝ միջուկային խնդրի վերաբերյալ։ Ինձ նշանակել են որպես միջուկային զենքի վերաբերյալ բանակցությունների պատասխանատու»։
Մեր հարցին, թե ուր է պատրաստվում գնալ եւ, արդյոք, կայցելի Վանաձոր, երաժիշտն ասաց, որ ամեն տեղ էլ գնալու է։ Իսկ հարցին, թե երբ համերգ կունենա Հայաստանում, Սերժ Թանկյանը պատասխանեց. «Մոտ ժամանակներս»:
Շուշան Շատիկյան
Լուսանկարները՝ Նարեկ Տեր-Պողոսյանի
Տեսանյութը՝ Արթուր Ղահրամանյանի