«Վայրի Արեւմուտքի աշխարհը» սերիալում Անժելա Սարաֆյանի գործընկերուհին պատմել է իր երկու բռնաբարությունների մասին
14:36 13 հոկտեմբերի, 2017«Վայրի Արեւմուտքի աշխարհը» սերիալում Անժելա Սարաֆյանի գործընկերուհին պատմել է իր երկու բռնաբարությունների մասին։
YouTube-ում հայտնվել է Էվան Ռեյչել Վուդի տեսաուղերձը, որտեղ 30-ամյա դերասանուհին իր կարծիքն է հայտնում պրոդյուսեր Հարվի Վայնշթեյնի հետ կապված սեքս սկանդալի մասին, նաեւ պատմում իր սեփական տխուր փորձի մասին։
«Մարդիկ զարմանում են, թե ինչու բազմաթիվ կանայք այդ մասին ավելի վաղ չեն պատմել։ Չէ՞ որ եթե մի կին հրապարակային հայտարարություն անի, ապա միանգամից կհայտնվեն ուրիշները նույն խնդրով, ու այդ դեպքում դարպասները կբացվեն։ Կանայք իրենց անվտանգ չեն զգում, դրա համար էլ չեն գնում այդ քայլին։ Ու ես նույնպես մեղավոր եմ, քանի որ ես էլ ինձ նեղացողների անունները չեմ տվել»։
Դերասանուհին հիշեցրել է, որ իրեն երկու անգամ բռնաբարել են։ Առաջին անգամ նրան բռաբարել էր նրա բոյֆրենդը, երկրորդ անգամ՝ սրճարանի սեփականատերը։ Սակայն Էվանն այդպես էլ չի նշել նրանց անունները։ Ինչո՞ւ.
«Նրանք շատ ազդեցիկ մարդիկ էին, շատ հարուստ, շատ մեծամիտ։ Ու ես նրանց անունները չեմ նշել մի քանի պատճառներով․ առաջինը՝ ես մենակ էի մի քանի ազդեցիկ մարդկանց դեմ, երկրորդը՝ դրա համար ես պետք է շատ փող, ժամանակ ծախսեի ու նորից ապրումներ ունենայի»,- պարզաբանել է դերասանուհին։
Իր մենախոսության վերջում Վուդը կանանց կոչ է արել խոսել սեռական հարձակումների մասին, սակայն նաեւ աջակցել է նրանց, ովքեր վախենում են անուններ նշել։