Պապարացիներն առաջին անգամ «բռնացրել են» հղի Քլոե Քարդաշյանին: Daily Mail-ը գրում է, որ ռեալիթի շոուի 33-ամյա աստղին նկատել են օդանավից իջնելիս:
Քլոեն քույրերի՝ Քիմի եւ Քորթինիի հետ Սան Ֆրանցիսկո է ժամանել:
Քլոեն դեռ պաշտոնապես չի հաստատել իր հղիության մասին լուրը, սակայն օդանավից իջնելիս վերմակով ծածկել է փորը, ինչը բառերից էլ լավ է «խոսում» հայուհու կարգավիճակի մասին:
Հիշեցնենք, որ Քորթնի Քարդաշյանի նախկին քաղաքացիական ամուսինը՝ Սքոթ Դիսիկը, հաստատել է Քլոե Քարդաշյանի հղիության մասին լուրը:
Երբ նրան հարցրել են, թե ինչ խորհուրդ կտա մայրանալ պատրաստվող Քլոեին, Սքոթը նախ չի հերքել դա, ապա պատասխանել է, որ պատրաստ է ձեռք մեկնել նրան, եթե Քլոեն դրա կարիքն ունենա:
Լուսանկարները՝ X17online.com, Splash