Հարվի Վայնշթեյնը կհեռացվի Ամերիկյան պրոդյուսերների գիլդիայից
16:02 17 հոկտեմբերի, 2017Հոլիվուդը շարունակում է արձագանքել հայտնի պրոդյուսեր Հարվի Վայնշթեյնի անպարկեշտ վարքագծին: Այս անգամ Ամերիկյան պրոդյուսերների գիլդիայի խորհուրդը կողմ է քվեարկել, որպեսզի Հարվիին գիլդիայից հեռացնելու գործընթաց սկսվի, հայտնում է Associated Press-ը:
Նշվում է, որ խորհրդի անդամները միաձայն կողմ են քվեարկել: Մինչ վերջնական որոշումը, Հարվին մինչեւ նոյեմբերի 6-ը կարող է պատասխան ուղարկել գիլդիայի անդամներին:
Հիշեցնենք, որ ավելի վաղ Հարվի Վայնշթեյնը հեռացվել է Ամերիկյան կինոակադեմիայից:
Օրեցօր ավելի շատ դերասանուհիներ են հայտնում պրոդյուսերի անվայել վարքագծի մասին, նրանց են միացել Անջելինա Ջոլին ու Գվինեթ Փելթրոուն։ Այդ սկանդալի ֆոնին պրոդյուսերից հեռացել է նրա կինը՝ ոճաբան Ջորջինա Չափմանը։
Հարվին ինքը շտապ մեկնել է ԱՄՆ-ից։ Որոշ ժամանակ նրան չեն կարողացել գտնել, սակայն ինսայդերները հայտնել են, որ Հարվին Եվրոպա է մեկնել՝ ռեաբիլիտացիոն կլինիկաներից մեկում սեքս կախումից բուժվելու նպատակով։