Քիմ Քարդաշյանի հետեւից մոլագար է «ընկել»: Ջասթին Մասլեր անունով 35-ամյա տղամարդը նախկինում երկու տարի շարունակ հետապնդել է ԱՄՆ նախագահ Դոնալդ Թրամփի դստերը՝ Իվանկային, ինչի համար 2012 թվականին դատապարտվել է վեց ամսվա ազատազրկման:
Սակայն տղամարդը դասեր չի քաղել դրանից եւ վերջին վեց ամիսներին անընդհատ զանգահարել է William Morris Endeavor ընկերություն եւ սպառնալիքներ հնչեցրել դրա հաճախորդների հասցեին: Ընկերության ներկայացուցչի խոսքով՝ հոկտեմբերին այդ սպառնալիքները սկսել են հաճախակիանալ:
Մասլերը զանգահարել է William Morris Endeavor եւ պահանջել, որպեսզի ընկերությունը հանդիպում կազմակերպի Քիմ Քարդաշյանի հետ: Նա նաեւ սպառնացել է ընկերությանը՝ նշելով, որ մերժում չի ընդունելու:
Ի դեպ, տղամարդու մոտ շիզոֆրենիա է ախտորոշվել:
Աղբյուրը՝ Daily Mail