«Հրաշալի օր ենք անցկացրել». սիրելիի անակնկալը՝ Լենա Ղազարյանի 21-ամյակին (ֆոտո)
14:05 19 հոկտեմբերի, 2017Հոկտեմբերի 17-ին երգչուհի Լենա Ղազարյանը նշում էր ծննդյան 21-ամյակը: Այս տարեդարձը երգչուհու համար յուրահատուկ է անցել, իսկ թե ինչու, Լենան պատմել է NEWS.am STYLE-ին:
«Ուղիղ կեսգիշերին ծնունդս շնորհավորեցին սիրելիս եւ նրա ընտանիքի անդամները: Ծննդյանս օրն անցկացրել եմ ժամանցային վայրերից մեկում՝ սիրելիիս հետ: Հրաշալի օր ենք անցկացրել միասին»,-ասում է երգչուհին՝ առայժմ նախընտրելով չբացահայտել իր ընտրյալին։
Բացի տոնական խնջույքից՝ Լենան նշանածից ստացել է նաեւ այլ նվերներ՝ մեծ ծաղկեփունջ եւ ոսկյա զարդ:
«Ծննդյանս հաջորդ օրն անցկացրեցի արդեն տանը՝ ընկերուհիներիս հետ»,-նշեց Լենան՝ հավելելով, որ ամեն տարի ծննդյան տորթի մոմերը փչելիս երազանք է պահում: Այս տարի եւս բացառություն չի եղել, սակայն երգչուհին նախընտրեց չբարձրաձայնել երազանքը:
NEWS.am STYLE-ը միանում է երգչուհուն ուղղված բոլոր շնորհավորանքներին՝ մաղթելով երազանքների իրականացում:
Սյունե Առաքելյան