Տաթեւիկ Ադումյանի նոր լուսանկարն Instagram-ում քննարկումների առիթ է դարձել։ Դերասանուհու հետեւորդները քննարկել են ոչ միայն նրա արտաքին տեսքը, այլեւ անձնական կյանքի մանրամասները։
Մասնավորապես, likakrasa անունով օգտատերը գրել է, թե Տաթեւիկը բաժանվել է ամուսնուց.
«Նա 100 տարի է՝ ամուսնալուծված է։ Նրա նախկին ամուսինը շատ լուրջ եւ լավ երիտասարդ է, նա թարգմանիչ է»,- գրել է օգտատերը։ Սրան հետեւել է դերասանուհու կոշտ պատասխանը.
«Ցավում եմ, որ պետք է ձեր տրամադրությունը գցեմ, բայց ես բաժանված չեմ։ Ի դեպ, անչափ շնորհակալություն ձեզ ձեր անասելի բարության համար»,- գրել է Տաթեւիկը։
Իսկ մենք հավելենք, որ Տաթեւիկ Ադումյանի ամուսինը՝ Խաչատուր Ադումյանն իսկապես հայտնի թարգմանիչ է։ Նրան հաճախ կարելի է տեսնել պաշտոնական միջոցառումների ժամանակ, ինչպես նաեւ՝ հայտնի աստղերի երեւանյան մամուլի ասուլիսներին։