Ինչպես փեսացուն սեփական հարսանիքի օրը նետվեց գետն ու փրկեց անծանոթ երեխայի կյանքը (ֆոտո)

Հարսանեկան ֆոտոշարքերը կարեւոր նշանակություն ունեն ցանկացած ամուսնացող զույգի կյանքում, սակայն Քլեյթոն եւ Բրիթանի Քուքերն իրենց հարսանեկան ֆոտոշարքի ընթացքում տեղի ունեցած միջադեպը երբեք չեն մոռանա:

Զույգը Քեմբրիջի այգիներից մեկում իրականացնում էր իրենց կյանքի կարեւորագույն ֆոտոշարքը, երբ հանկարծ փեսացուն՝ Քլեյթոնը, նկատեց, որ մոտակա գետում մի երեխա է խեղդվում: Նա առանց վարանելու հենց իր հարսաեկան կոստյումով նետվեց գետը՝ երեխային փրկելու:

«Ես հանկարծ նայեցի շուրջս ու նկատեցի, որ Քլեյթոնը ջրի մեջ է»,-հիշում է Բրիթանին:

«Երեխան ամբողջությամբ ջրի տակ էր, բայց, բարեբախտաբար, նա փոքրիկ էր, եւ ես հեշտությամբ նրան հանեցի ջրի տակից»,-պատմում է Քլեյթոնը:

Զույգի եւ լուսանկարչի փոխանցմամբ՝ տղային մեկ այլ երեխա էր նետել գետը: Հարսնացուի խոսքով՝ իրենց ֆոտոշարքն այնտեղ իրականացնելու միտքը պատահական չի եղել, այլ ճակատագրով կանխորոշված:

Լուսանկարիչ Դարեն Հաթին հաջողվել է ֆիքսել փեսացուի հերոսական արարքը: Նա լուսանկար է տեղադրել Instagram-ի իր էջում եւ գրել.

«Առանձնահատուկ ծափահարությունների է արժանի այս տղան՝ Քլեյթոնը: Մինչ ես նրա հարսանացուին է լուսանկարում, փեսացուն ցատկեց գետը եւ փրկեց փոքրիկ տղայի կյանքը: Հարսանացուն դա նկատեց միայն այն ժամանակ, երբ նա արդեն ջրից հանել էր տղային: Նրա արագ կողմնորոշումը փրկեց փոքրիկի կյանքը: Հրաշալի արարք էր»:

Մինչ համացանցի օգտատերերը շարունակում են զարմանք ապրել փեսացուի խիզախ արարքից եւ դրական մեկնաբանություններ թողնել նրա մասին՝ Բրիթանին նշում է.

«Այդպիսին է Քլեյը: Հենց այդ հատկանիշի շնորհիվ եմ այսօր ես նրա հետ ամուսնացած: Նա բնազդաբար օգնում է մարդկանց: Իսկապես բախտավորություն է, որ մենք այնտեղ էինք այդ պահին»:

Աղբյուրը՝ Cosmoplitan.com