«Ես նման չեմ Հոլի Բերիին, բայց հնարավոր է՝ նա վերջում նմանվի ինձ». Վուպի Գոլդբերգը դարձավ 62 տարեկան
16:10 13 նոյեմբերի, 2017Այսօր՝ նոյեմբերի 13-ին, ծննդյան 62-ամյակն է նշում ամերիկացի հայտնի դերասանուհի, հոլիվուդյան աստղ Վուպի Գոլդբերգը: Դերասանուհին իր մասնակցությունն է ունեցել Հոլիվուդի շատ հայտնի նախագծերում՝ «Ուրվականը», «Գործիր, քույր իմ», «Գործընկերը», «Պատրաստված է Ամերիկայում», «Առնետավազք», «Սարսափելի գեղեցիկ» եւ այլն:
NEWS.am STYLE-ն այսօր վերհիշել է Գոլդբերգի հայտնի մեջբերումներից մի քանիսը, որոնք ներկայացնում ենք ձեր ուշադրությանը:
«Ես այնտեղ եմ, որտեղ կամ, որովհետեւ ես հավատում եմ բոլոր տեսակի հնարավորություններին»:
«Չեմ կարծում, թե ես կարող եմ լինել կամ ցանկապատից ներս կամ դրա հակառակ կողմում: Չեմ կարծում, թե կա միանաշանակ լավ կամ վատ կարիերա: Ես միայն հավատում եմ երջանիկ պահերին»:
«Բոլորս էլ հաջողակ ենք ծնվել: Միայն կողքի մարդիկ են տեսնում մեր ձախողումները»:
«Քեզ հետ ինչ-որ բաներ կատարվում են անկախ քո բախտից, եւ եթե մի բանի ես հասնում, նշանակում է՝ դու տաղանդավոր ես»:
«Ինձ դուր չի գալիս, որ Ամերիկայում ցանկացած սեւամորթի անվանում եմ աֆրո-ամերիկացի: Լսեք, ես եղել եմ Աֆրիկայում: Հավատացեք՝ ես աֆրիկացի չեմ»:
«Դերասանուհին միայն կնոջ կարող է մարմնավորել: Ես ինձ դերասան եմ համարում: Ես բոլորին կարող եմ մարմնավորել»:
«Ինձ համար ամեն ինչ տեսանելի է: Հենց այդպես է ուղեղս աշխատում»:
«Ես մեծ, ծեր ու եսասեր երեխա եմ ու ես դա ընդունում եմ»:
«Ես նման չեմ Հոլի Բերիին, բայց շատ հնարավոր է՝ նա վերջում նմանվի ինձ»:
«Դերասանները չունեն գույն: Հենց դրանում է արվեստի ուժը»: