Ինչպես հուսահատ նամակը փրկեց միայնությունից տառապող երիտասարդի կյանքը (ֆոտո)

Այսօր, ցավոք, միլիոնավոր մարդիկ են տառապում միայնությունից. նրանցից շատերը հուսահատության պահին դիմում են ծայրահեղ քայլերի, սակայն միայնությունից տառապող Պատրիկ Քեյքիրլիի պատմությունը ոգեշնչել է շատերին:

«Ես հուսահատության մեջ եմ, ցանկանում եմ ձեռք բերել նոր ընկերներ: Ամբողջովին մենակ եմ, ու հիմա ապրում եմ իմ կյանքի ամենածանր օրերը»,-սոցիալական ցանցերից մեկում Պատրիկը նման անանուն հաղորդագրություն էր տարածել՝ նշելով նաեւ այն վայրի անունը, որտեղ սովորաբար լինում էր ցերեկվա ժամը 2-ից մինչեւ երեկոյան 8-ն ընկած ժամանակահատվածը:

Այս նամակը երիտասարդը տարածել էր մեկ տարի առաջ՝ դեկտեմբերի 7-ին, բայց նա չէր էլ կարող պատկերացնել, որ այն իսկապես կհասնի շատ մարդկանց, եւ որ շատերը կարձագանքեն իր խնդրանքին: Բայց հրաշքներ, այնուամենայնիվ, լինում են… 13 օգտատեր գնացել էր Պատրիկին տեսակցության: Նրանք իրենց աջակցությունն են առաջարկել միայնակ տղային: Երիտասարդն անասելի ցնցված էր այդ բարի քայլից: Նրա օրինակը ոգեշնչեց շատերին՝ հասկանալու, որ ինքնուրույն կարելի է պայքարել միայնության դեմ:

Պատրիկը մանկատանն է մեծացել: Սակայն ծնողների կողմից լքված լինելն այնքան չէր կոտրել տղային, որքան այն, երբ մեկ տարի առաջ նրա 6 տարվա ընկերուհին լքեց նրան: Դրանից հետո Պատրիկը նույնիսկ փորձել է ինքնասպանություն գործել: Սակայն, բարեբախտաբար, տղան շուտով ուշքի է եկել եւ որոշել ոչ թե հանձնվել, այլ պայքարել միայնության դեմ՝ փնտրեով նոր ընկերների:

«Իմ նոր ընկերներից շատերը, որոնք եկել էին ինձ տեսնելու, խոստովանեցին, որ իրենք էլ են ունեցել միայնության պահեր, սակայն մինչ իմ նամակը երբեք չեն խոստովանել այդ մասին»:

Այժմ Պատրիկն իր սեփական կայքն է ստեղծել, որի նպատակն է միավորել միայնակ մարդկանց, ունենալ մի հարթակ, որտեղ մարդիկ կարող են բարձրաձայնել իրենց հուզող խնդիրները:

Աղբյուրը՝ Mirror.co.uk