Քեթրին Զետա Ջոնսը՝ «Կոկաինի կնքամայրը» սերիալի թրեյլերում
17:29 17 նոյեմբերի, 2017Youtube-ի Lifetime ալիքում հայտնվել է «Կոկաինի կնքամայրը» ֆիլմի թրեյլերը, որի գլխավոր դերակատարն անկրկնելի Քեթրին Զետա Ջոնսն է։ Սերիալում նաեւ նկարահանվել են Ռաուլ Մենդեսը, Խուան Պաբլո Էսպինոզան, Մաթեո Ստեֆանը, Խոսե Ջուլիանն ու այլ դերասաններ։
Ֆիլմը պատմում է աշխարհի ամենահայտնի կոլումբացի նարկոբարոնեսա Գրիզելդա Բլանկոյի կյանքի պատմությունը։
Սերիալի պրեմիերան ծրագրված է 2018-ի հունվարի 20-ին։
Բլանկոն առաջիններից մեկն է մտածել թմրադեղերի մեծ խմբաքանակները սահմանից այն կողմ տեղափոխելու միջոցը։ Գրիզելդան կոկաինի փաթեթներն աղջիկների ներքնազգեստի մեջ էր թաքցնում։ Հետագայում նա նույնիսկ կանանց ներքնազգեստի խանութ է բացել, որտեղ վաճառում էին գաղտնի գրպան ունեցող ներքնազգեստ։
Ոստիկանությունը մի քանի անգամ փորձել է բռնել Բլանկոյին, բայց նրան ամեն անգամ հաջողվել է խույս տալ։ 2012-ին նրան սպանել են երկու վարձկան մարդասպաններ։