«Միսս Աշխարհ 2017» մրցույթի հաղթող է ճանաչվել Հնդկաստանի ներկայացուցիչը (ֆոտո/վիդեո)
20:20 18 նոյեմբերի, 2017Չինաստանի Սանյա քաղաքում կայացել է «Միսս Աշխարհ 2017» գեղեցկության մրցույթը, որում հաղթող է ճանաչվել Հնդկաստանի ներկայացուցիչ Մանուշի Չիլարը:
Նշենք, որ 17 տարվա ընդմիջումից հետո՝ Պրիյանկա Չոպրայի հաղթանակից հետո, Հնդկաստանը կրկին հաղթող է ճանաչվում այս մրցույթում:
Երրորդ տեղում է հայտնվել Անգլիայի ներկայացուցիչը, երկրորդում՝ Մեքսիկայի գեղեցկուհին:
Հիշեցնենք, որ այս տարի առաջին անգամ մրցույթին հայտ է ներկայացրել նաեւ Հայաստանը՝ ի դեմս «Միսս Արմենիա 2017» մրցույթի հաղթող Լիլի Սարգսյանի:
Մրցույթի կանոնների համաձայն՝ մինչ մրցանակաբաշխությունը, աշխարհի 120 երկրի ներկայացուցիչները պետք է տարբեր մրցույթների մասնակցեին եւ նրանցից միայն 40-ն իրավունք կստանար անցնել եզրափակիչ փուլ:
«Միսս Արմենիա 2017» տիտղոսակիր Լիլի Սարգսյանը չի հաղթել մրցույթներում եւ դուրս է մնացել եզրափակիչից: