Վեց միջոց կյանքին այլ դիտանկյունից նայելու համար
20:16 14 դեկտեմբերի, 2017Դիտարկեք ու ընդունեք այն ամենը, ինչ տեղի է ունենում Ձեզ հետ։ Փոփոխությունների վախը սովորաբար վերհանում է ձեր ոչ լավագույն հատկանիշները։ Ընդ որում դուք կարող եք հակասական զգացմունքներ ունենալ ու ցանկություն՝ վերադառնալ նրան, ինչ եղել է նախկինում։ Կանգ մի առեք այդ փուլում, առաջ գնացեք։
Եղեք ազնիվ ինքներդ Ձեզ հետ ու Ձեր զուգընկերոջ հետ։ Երբեմն դա դժվար է, բայց հենց դրանում է թաքնված մեծ էներգիա՝ ապագա բացահայտումների ու փոփոխությունների համար։ Եղեք ազնիվ ՝ պատասխանելով այն հարցին «ինչո՞ւ եմ ես այստեղ»։ Դա Ձեզ կհուշի, թե դեպի ուր շարժվեք ու ինչի համար։
Եղեք նրբանկատ մյուսների հանդեպ։Նրբանկատ լինելը նշանակում է տեղեկությունը չհանել այն պատերի սահմանից դուրս, որտեղ դուք այն ստացել եք, հարգել մյուսների արժեքներն ու ցանկությունները այնպես, ինչպես կցանկանայիք, որ նրանք Ձերը հարգեին։
Բաց եղեք ու սովորեք վստահել։ Պատրաստ եղեք վստահել նույնիսկ անծանոթներին։ Կարողացեք անկեղծորեն պատմել Ձեր ապրումների , դատողությունների մասին,այդ թվում հրապարակավ՝ սոցցանցերում․ դա ինքնաբացահայտման, հետեւաբար նաեւ ինքնազարգացման հզոր միջոց է։
Սովորեք ինքներդ Ձեզնից ու ուրիշներից։ Ոչ ոք իդեալական չէ ու հազվադեպ է մարդկանց առաջին անգամից ամեն ինչ հաջողվում։ Գուցե կարդալով ինչ-որ մեկի զեկույցը, հոդվածը, դուք կկարողանաք ճիշտ ուղղություն ընտրել Ձեր սեփական խնդիրների լուծման համար։ Կամ էլ հակառակը՝ Ձեր միտքը կամ փորձը կօգնի մեկ ուրիշին։
Դիմեք իմպրովիզացիաների։ Եթե ամենօրյա գործերը ձեզ ձանձրալի են թվում՝ այն վերածեք անձնական հետազոտության։ Այս մոտեցման դեպքում ամենաառօրեական գործերն ու հոգսերը նոր հետաքրքրություն ձեռք կբերեն։ Յուրաքանչյուր օրը մեր կյանքի մանրակերտն է։ Փոխելով մեր ամենօրյա կյանքը, մենք ավելի ճկուն ենք դառնում կյանքում ու այն նույնպես փոխում։
Աղբյուրը՝ Wday.ru