Youtube-ի PinkVEVO ալիքում ալիքում հրապարակվել է Փինքի՝ Beautiful Trauma երգի նոր տեսահոլովակը՝ համանուն ալբոմից, որը թողարկվել է հոկտեմբերին։
Տեսահոլովակում հանրահայտ երգչուհու հետ միասին նկարահանվել է նաեւ Չենինգ Տատումը։ Ռեժիսոր Նիք Ֆլորեզի նկարահանած տեսահոլովակն այս պահի դրությամբ արդեն ավելի քան 2 մլն դիտում է հավաքել։
Տեսահոլովակում երգչուհին ու Չենինգը կատարում են ամուսինների դեր, որոնք խրվել են կենցաղային հոգսերի մեջ։
Գեղեցկուհի կինը ձգտում է անթերի կատարել տնային տնտեսուհու դերը, բայց արդուկով այրում է հագուստը, ընթրիքը ջեռոցում վառում եւ, բնականաբար, շատ վշտանում այդ անախորժությունների պատճառով։
Հետո հանկարծ Փինքն ու Չենինգը տեղերով փոխվում են։ Փինքը ներկայանում է տղամարդու կոստյումով, իսկ Չենինգը ներկում է շրթերն ու կնոջ զգեստ հագնում։