Տղամարդու երեք գլխավոր բարդույթները
22:19 19 դեկտեմբերի, 2017Փողի պակաս
Ցավոք, այսօր տղամարդկանց կայացած լինելը փողի առկայությամբ է չափվում։ Այսինքն թանկ մեքենա կամ մի քանի վարկային քարտ կամ անշարժ գույք ունենալու հնարավորությամբ։ Սակայն տղամարդկանցից քչերն են իրենք իրենց հարց տալիս՝ իսկ ի՞նչ կարեւոր բանի վրա եմ ես ծախսելու փողը, եթե ունենամ։
Այդ հարցի պատասխանը այնքան էլ հեշտ չէ, իսկ երկար մտածելուց հետո կարող է ցնցող թվալ։ Երբեմն տղամարդը մոռանում է, որ իրեն շրջապատող մարդիկ իրեն միայն փողի համար չեն սիրում։ Նրանք գնահատում են նաեւ բարությունը, հոգատարությունը, յուրահատկությունը, հումորը՝ այն ամենը, ինչ նա ունի։ Տղամարդը պետք է հստակ իմանա իր բոլոր առավելություններ ն ու այն, ինչի համար իրեն սիրում են։ Այդ դեպքում նա չի տառապի բարդույթներից, եթե այդ պահին փողի հարցում խնդիրներ ունենա։
Կնոջ կրկնի տակ հայտնվելու հավանականությունը
Կինը, որը բնությունից օժտված է զարգացած ինտուիցիայով, իրոք կարող է օգնել խորհուրդով, լսել, հուշել ու աջակցել։ Բայց «Տղամարդը չի լացում» ու «տղամարդը չպետք է արտահայտի իր զգացմունքները» կարծրատիպերը անհնար են դարձնում անկեղծ շփումը։ Խելացի տղամարդը կգտնի միջոց իմանալ կնոջ խորհուրդը, իսկ հիմարը՝ կտառապի կրկնկի տակ հայտնվելու վախից։
Կնոջը ենթարկվելու վախից ազատվելու լավագույն միջոցը հասարակական կարծիքն անտեսելն է։ Տղամարդը պարզապես պետք է կատարի իր ընտրությունը ու հասկանա ՝ իր կյանքով է ապրում, թե՞ հասարակության։
Չգնահատված լինելը
Այս բարդույթի հիմքում նույնպես տհասությունն ու մանկամտությունն է։ Այս բարդույթը շատ տարածված է, քանի որ տղամարդիկ գենետիկ մակարդակի վրա սովոր չեն ենթարկվել ղեկավարին։
Եթե տղամարդուն թերագնահատում են աշխատավայրում, ամենահասարակ լուծումը աշխատանքի վայրն ու ղեկավարին փոխելն է։ Բայց հիմնականում տղամարդը մտադիր չի լինում փոխել աշխատանքը։ Նա նախընտրում է հարաբերություններ պարզաբանել իր ղեկավարության հետ, իրեն համարելով չճանաչված հանճար, մնալով ինքն իր խնդրով պարուրված, ինչպես երեխան օրորոցում։
Աղբյուրը՝ Ivona