«Ամանորի ծախսն ինձ համար մնում է գաղտնիք». տոնական բլից հարցում՝ Ջուսի հետ
12:14 2 հունվարի, 2018NEWS.am STYLE-ն Ամանորի վերաբերյալ բլից հարցում է իրականացրել հայտնիների շրջանում՝ պարզելու համար, թե ո՞րն է Նոր տարվա իրենց խորհրդանիշը, դնո՞ւմ են սեղանին խոզի բուդ, թե՞ ոչ, քանի՞ «բոնբոներկա» է հավաքվում իրենց տանը տոներից հետո եւ այլ զվարճալի հարցեր:
Այս անգամ մեր հարցման թիրախում է հայտնվել երգչուհի Ջուսը:
Սիրո՞ւմ եք Ամանորը, թե՞ ոչ եւ ինչո՞ւ:
Այո, շատ, քանի որ Ամանորի օրերին զգում եմ հեքիաթը:
Ո՞րն է Նոր տարվա գլխավոր խորհրդանիշը Ձեզ համար:
Տոնածառն ու մանդարինի հոտը:
Ամանորի սեղանի ամենասիրելի ուտեստը:
Մամայիս ձեռքով պատրաստված վրացական սացիվին:
Ամենաչսիրած բանը Ամանորի եւ տոնական օրերի հետ կապված:
Վինեգրետն ու «մայրաքաղաքային» աղցանը, որոնք Ամանորին կան գրեթե բոլորի սեղանին:
Խոզի բուդ դնո՞ւմ եք Ձեր սեղանին ;)
Պարտադիր չենք համարում դա դնել: Այն ուտեստներն ենք պատրաստում, որոնք չեմ համտեսի ուրիշների տանը:
Ամանորից հետո քանի՞ «բոնբոներկա» է հավաքվում Ձեր տանը :)
Ամեն տարի տարբեր քանակի:
Իսկ քանի՞ կիլոգրամով եք գիրանում տոների ընթացքում :)
Սովորաբար, երբ Ամանորին նստում եմ սեղանի շուրջ, հաց չեմ ուտում: Այնպես որ՝ գիրանալն ինչ չի սպառնում տոներից հետո:
Սովորաբար որքա՞ն գումար եք ծախսում Ամանորի սեղանի ուտեստների, դիզային եւ նվերների վրա:
Քանի որ ամբողջ ծախսերը անում է մամաս, ամեն տարի տարբեր գումար է ծախսում: Այնպես որ՝ ինձ համար դա մնում է գաղտնիք:
Ի՞նչ եք տանում Ձեզ հետ Ամանորին որեւէ մեկի տուն այցելելիս:
Միայն ոչ «բոնբոներկա», այլ տոնական խենթ հուշանվեր:
Ամենաուրախ Ամանորը, որ ունեցել եք:
2000 թվականի դեկտեմբերի 31-ին, երբ գնացել էի Մոսկվա՝ երգելու: Մի աղջիկ էր բեմ բարձրացել՝ պարելու, որի երաժշտությունը ձայնագրված էր CD-ի վրա: Երբ նա սկսեց պարել, CD-ն փչացավ, երգը սկսեց կտրտվել, սակայն աղջիկը սկսեց տարօրինակ շարժումներ անել՝ իբրեւ այդպես էլ պետք է լիներ: Ու մենք բոլոր արտիստներով ծիծաղում էինք արցունքախառն: Այդ տարին շատ ուրախ անցավ:
Իսկ ամենատխո՞ւրը…
Չեմ ունեցել իմ կյանքում տխուր Ամանոր: Միշտ ամեն ինչ շատ ուրախ է անցնում:
Կա՞ Նոր տարվա հետ կապված մի ցանկություն, երազանք, որն այդպես էլ չի կատարվել:
Այո՝ ունենալ ընտանիք:
Ի՞նչ կմաղթեք հայ ազգին գալիք տարվա համար:
Ինչ ուզում է լինի՝ մնան միշտ դրական եւ ուրախ տրամադրությամբ: Եվ քանի որ 2018 թվականը Շան տարի է, լինել հավատարիմ եւ ճշմարիտ: Բոլորին առողջություն եւ մեծ սեր եմ մաղթում, քանի որ աշխարհը կփրկի միայն սերը:
Պատրաստեց՝ Շ. Շուշան