«Այդ տարի հունվարի 6-ին իմ կյանքն ամբողջովին փոխվեց». տոնական բլից հարցում՝ Անժելա Սարգսյանի հետ

NEWS.am STYLE-ը Ամանորի վերաբերյալ բլից հարցում է իրականացրել հայտնիների շրջանում՝ պարզելու համար, թե ո՞րն է Նոր տարվա իրենց խորհրդանիշը, դնո՞ւմ են սեղանին խոզի բուդ, թե՞ ոչ, քանի՞ «բոնբոներկա» է հավաքվում իրենց տանը տոներից հետո եւ այլ զվարճալի հարցեր:

Այս անգամ մեր հարցման թիրախում է հայտնվել ԱՄՆ տեղափոխված դերասանուհի Անժելա Սարգսյանը:

Սիրո՞ւմ եք Ամանորը, թե՞ ոչ եւ ինչո՞ւ:

Շատ եմ սիրում, հատկապես՝ նվերների պահը, պատրաստությունները, տոնածառը, Ծննդյան տոնի խորհուրդը….

Ո՞րն է Նոր տարվա գլխավոր խորհրդանիշը Ձեզ համար:

Նոր կյանքի սկիզբը:

Ամանորի սեղանի ամենասիրելի ուտեստը:

Այդ օրերին գրեթե չեմ կարողանում ուտել, բայց շատ եմ սիրում «մայրաքաղաքային»  աղցանը:

Ամենաչսիրած բանը Ամանորի եւ տոնական օրերի հետ կապված:

Որկրամոլությունը:

Խոզի բուդ դնո՞ւմ եք Ձեր սեղանին :)

Եթե մամաս ժամանակ եւ հավես ունենա պատրաստելու, ապա՝ այո:

Ամանորից հետո քանի՞ «բոնբոներկա» է հավաքվում Ձեր տանը ;)

Ոնց գալիս են, էդպես էլ գնում են :))

Իսկ քանի՞ կիլոգրամով եք գիրանում տոների ընթացքում:

Չեմ չափել, չգիտեմ:

Սովորաբար որքա՞ն գումար եք ծախսում Ամանորի սեղանի ուտեստների, դիզային եւ նվերների վրա:

Ես անձամբ իմ տանը ոչինչ չեմ անում՝ քաղցրեղեն, ընդեղեն եւ մրգեր միշտ կան իմ սեղանին: Ծախսում է հայրս, չգիտեմ:

Ի՞նչ եք տանում Ձեզ հետ Ամանորին որեւէ մեկի տուն այցելելիս:

Եթե երեխա կա, ապա նվեր երեխային: Բայց այդքան շատ տեղ չեմ գնում այդ օերրին: Այցելում եմ շատ մոտ բարեկամներիս:

Ամենաուրախ Ամանորը, որ ունեցել եք:

2006 թվականին: Այդ տարի հունվարի 6-ին իմ կյանքն ամբողջովին փոխվեց:

Իսկ ամենատխո՞ւրը…

Այն տարիները, երբ հարազատ մարդկանից ինչ-որ մեկն այլեւս չի լինում մեզ հետ:

Կա՞ Նոր տարվա հետ կապված մի ցանկություն, երազանք, որն այդպես էլ չի կատարվել:

Շատ կուզեի ընտանիքս ինձ մոտ լիներ: Տոներին հատկապես զգում եմ նրանց կարիքը:

Ի՞նչ կմաղթեք հայ ազգին գալիք տարվա համար:

Ամենակարեւորը՝ խաղաղություն իմ երկրին, հետո՝ տնտեսական բարգավաճում: Լիքը սեր եւ ուրախություն մարդկանց սրտերում: Իսկ ովքեր ունեն կորուստներ, թող տիրոջ մխիթարությունն ունենան:

Պատրաստեց՝ Շ. Շուշան