Նոյեմբերի 27-ին Մոսկվայում անցկացվելու է «Միսս Մոսկվա 2017» մրցույթի եզրափակիչը։ Այդ տիտղոսի 40 հավակնորդներից մեկը հայուհի է՝ 19-ամյա Դիանա Հակոբյանը։
Աղջիկը սովորում է Գնեսինների անվան երաժշտական ակադեմիայի առաջին կուրսում, նրա նշանաբան է՝ «Երբեք մի հանձնվիր ու միշտ հավատա ինքդ քեզ»։
Դիանան իրեն համարում է նպատակասլաց, ինքնավստահ, անկախ ու, իհարկե, գեղեցիկ աղջիկ։
«Միսս Մոկսվա 2017» մրցույթին մասնակցել են 800 աղջիկներ, բայց միայն 40-ն են անցել եզրափակիչ փուլ։
Եզրափակիչ փուլին պատրաստվելու հարցում աղջիկներին օգնում են գեղեցկության ոլորտի պրոֆեսիոնալներն ու աստղերը։ Առանձնահատուկ ուշադրություն է դարձվում դեֆիլեին։ Շոուի խորեոգրաֆիկ մասի պատասխանատուն այս անգամ Ալլա Դուխովան է։ Նա նաեւ մրցույթի ժյուրիի անդամ է։ Տեոնա Դոլնիկովան զբաղվելու է աղջիկների դերասանական վարպետությամբ։ Նաեւ մասնակիցների հետ վարպետության դասընթացներ են անցկացնում հայտնի ոճաբանները, վիզաժիստներն ու դիզայներները։
Աղբյուրը՝ WMJ. ru