Հայտնի են դարձել արքայազն Հարիի եւ Մեգան Մարքլի հարսանիքի օրը, տեղը եւ այլ մանրամասներ

Մենք մեր օրը սկսել ենք արքայազն Հարիից եւ Մեգան Մարքլից եւ այս օրը նրանց հետ էլ կավարտենք՝ գիշերը երազում բրիտանական թագը տեսնելով:

Այսպես, այսօր մենք փորձեցինք իմանալ, թե ով է 36-ամյա ամերիկացի դերասանուհի Մեգան Մարքլը, որն այդքան հաջող կերպով 2016 թվականին ծանոթացել է արքայազն Հարիի հետ: 33-ամյա արքայազնը երեկ հայտարարեց նշանադրության մասին, իսկ այսօր արդեն 10 մլն դոլար արժողությմաբ առանձնատուն է գնել:

Եվ այսպես, Քենսինգթոնի պալատը հրապարակել է նրանց հարսանիքի օրը, որը տեղի կունենա մայիսին՝ Վինձորի ամրոցի Սուրբ Գեորգիի եկեղեցում:

«Վինձորը Հարիի համար շատ կարեւոր տեղ է, եւ նրանք Մեգանի հետ տարվա ընթացքում պարբերաբար այնտեղ են լինում: Նրանք շատ ուրախ են, որ ամուսնական կյանքը այդ ամրոցում կսկսեն: Տոնական օրն այնպես է կամզակերպվելու, որ հասարակության ներկայացուցիչները կարողանան իրենց տոնակատարության մաս զգալ»,– ճեպազրույցի ժամանակ ասել է Քենսինգթոնի պալատի ներկայացուցիչը:

Հայտարարվել է, որ թագավորական ընտանիքը կհոգա հարսանեկան արարողության հիմնական ծախսերը՝ ներառյալ ընդունելությունը, հյուրասիրությունը, ծաղիկները, զարդարանքները եւ եկեղեցու արարողակարգը: Հայտնի է դարձել, որ Եղիսաբեթ Երկրորդը եւ արքայազն Ֆիլիպը կլինեն հյուրերի ցանկում, իսկ ինչ վերաբերում է Անգլիայի եկեղեցու ղեկավարին՝ Քենթերբերյան արքեպիսկոպոսին, ապա դեռ պարզ չէ՝ վարելո՞ւ է, արդյոք, նա եկեղեցական արարողակարգը:

Մինչ հարսանքիը Մեգանը կկնքվի եւ բրիտանական քաղաքացիություն կստանա: Դերասանուհու ամուսնալուծված ծնողները՝ Թոմաս Մարքլը եւ Դորիա Ռագլանդը, կմիանան տոնակատարությանը, բայց դեռ հայտնի չէ՝ Մեգանի հայրը կուղեկցի՞ նրան եկեղեցի, թե՞ ոչ:

Աղբյուրը՝ Just Jared