Պապարացիները ոչ մի կերպ չէին կարողանում պարզել, թե ուր են ուղեւորվել Ալեքսիս Օհանյանն ու Սերենա Ուիլյամսը հարսանիքից հետո՝ իրենց մեղրամիսն անցկացնելու։ Սակայն People պարբերականը, նաեւ նորապսակների Instagram-ը բացահայտել են գաղտնիքը՝ զույգը գտնվում է Բահամյան կղզիներում՝ ավելի ճիշտ Անդրոս կղզում, որտեղ ժամանակ է անցկացնում շքեղ առանձնատանը Ալեքսիսի երկամյա դստեր՝ Օլիմպիայի հետ։
Առանձնատունը սիրահարները գտել են ոչ թե որեւէ շքեղ գործակալության, այլ բնակարանների վարձակալության հայտնի կայքի միջոցով։
Ալեքսիսը դրոնի օգնությամբ նկարահանել է այն առանձնատունը, որտեղ իրենք ապրում են, եւ բարձրությունից երեւում է Սերենան՝ առանձնատան պատշգամբում կանգնած։
Իսկ People-ն իր ընթերցողներին է ներկայացրել հենց այդ առանձնատան լուսանկարները։
Նորապսակները կարող են առանձնատուն հասնել միայն ուղղաթիռով կամ մասնավոր նավակով։
Ատլանտյան օվկիանոսի ափին գտնվող առանձնատանը կան ոչ միայն հարմարավետ սենյակներ, որտեղից բացվում է տեսարան դեպի օվկիանոս, այլեւ թենիսի դաշտ, նաեւ՝ սպա- համալիր։