Ոստրեի տեսքով թաիլանդցի երգչի հոլովակը՝ 2017-ին ամենաշատ դիտված տեսանյութ

Youtube-ն ամփոփել է անցնող տարվա արդյունքներն ու ներկայացրել է տարվա ամենաշատ դիտումներ հավաքած տեսահոլովակները։ Խոսքը ոչ թե երաժշտական հոլովակների մասին է, այլ Youtube-ում թրենդ դարձած տեսահոլովակների։

Առաջին տեղը զբաղեցրել է թաիլանդական «The Mask Singer» շոուի մասնակցի ելույթը, որը դիտել են 181 մլն․ անգամ։

Երկրորդ տեղում լոսանջելեսցի պարողներն են, որոնք պարային համար են բեմադրել Էդ Շիրանի «Shape of You» երգի համար։ Երաժիշտի տեսահոլովակը հայտնվել է ամենապոպուլյար տեսահոլովակների ցանկում, իսկ նրա մասնակցությամբ Carpool Karaoke թողարկումը հինգերորդ տեղն է զբաղեցրել ամենաշատ դիտված տեսահոլովակների ցանկում։

Երրորդ տեղում ամերիկյան Dude Perfect կոլեկտիվն է, որը տեսահոլովակ է նկարահանել սեղանի թենիսի գնդակով ամենաանհավանական հնարքների մասին (93 մլն դիտում)։

Ամենադիտված տեսահոլովակների տասնյակում է նաեւ America's Got Talent մրցույթում դեռատի Դարսի Լինն Ֆարմերի ելույթը։ Նա հայտնի է դարձել համացանցի ռուսական մասում ու արդյունքում հավաքել ավելի քան 41 մլն դիտում։

Նաեւ տասնյակում է Էդ Շիրանի մասնակցությամբ Carpool Karaoke թողարկումը, Լեդի գագայի ելույթը Սուպերբոուլի ընդմիջման ժամանակ (37 մլն դիտում), Դոնալդ Թրամփի երդմնակալության օրը նրա ու Բարաք Օբամայի շուրթերի շարժումներից նրանց խոսակցությունները կարդալու մասին հումորային տեսահոլովակը (35 մլն․ դիտում), «Ամբողջ աշխարհի պատմությունը» (35 մլն․ դիտում), In a Heartbeat կարճամետրաժ մուլտֆիլմը ու հատված «Բի Բի Սի» -ի եթերում պրոֆեսորի հարցազրույցից, որի ժամանակ սենյակ են մտնում նրա երեխաները։