«Գրեմմի» մրցանակաբաշխության դափնեկիր Ար Քելլիին կողոպտել են Ատլանտայում։ 50-ամյա երգիչը վերադարձել է հյուրախաղերից ու հայտնաբերել, որ տունը լրիվ թալանված է։
TMZ-ը գրում է, որ ոստիկանությունը պարզել է գողի ինքնությունը։ Ոստիկանների խոսքով՝ կասկածյալը ներխուժել է տուն ու թալանել այն ամենը, ինչն աչքի է զարնել։ Սակայն կողոպուտն այդքանով չի սահմանափակվել։ Այդ նույն կասկածյալը մի քանի ժամից վերադարձել է ընկերների հետ ու գողացել այն ամենը, ինչ հնարավոր էր տանել՝ կահույքը, հեռուստացույցները, նույնիսկ չորանոցը։
Ոստիկանությունը կասկածներ ունի, որ կողոպուտը կատարել է երգչի ծանոթներից մեկը: Աղբյուրների տեղեկություններով՝ կողոպուտի կազմակերպման հարցում կասկածվում է երաժշտական բիզնեսում Քելլիի գործընկեր Ալֆոնսո Ուոքերը։