Մեգան Մարքլ, «Գահերի խաղը», Արիանա Գրանդե. 2017-ին աշխարհում ամենատարածված թեմաները

17:18   13 դեկտեմբերի, 2017

Ինչպես միշտ, անցնող տարվա վերջին մենք ամփոփում ենք արդյունքները, ու հիմա էլ եկել է Google-ի արդյունքներն ամփոփելու ժամանակը։ Ընկերությունը հայտնել է, թե որոնք են անցնող տարվա ամենատարածված թեմաները, նաեւ սերիալներն ու մուլտսերիալները։ Ի դեպ, սերիալների մասին․ որքան էլ տարօրինակ թվա՝ «Գահերի խաղը» սերիալը ոչ թե առաջին, այլ չորրորդ տեղում է։ Իսկ առաջատարը «Շատ տարօրինակ գործեր» հեռուստաշոուն է։

Երկրորդ ու երրորդ տեղերում են «13 պատճառ»-ը եւ «Ավագ եղբայր» ռեալիթի շոուի բրազիլական տարբերակը։ Ֆիլմերի վարկանիշում առաջին տեղում «Այն» սարսափ ֆիլմն է, երկրորդ տեղում՝ «Հրաշք կինը»։

Այնուհետեւ վարկանիշում իրենց տեղերն են զբաղեցրել «Գեղեցկուհին ու հրեշը» մուլտֆիլմը, Ռոսոմախայի մասին «Լոգան» ֆիլմը եւ «Արդարության լիգան»՝ սուպերհերոսների թիմի մասին։

Օգտատերերին ամենաշատ հետաքրքրող ու «Ինչպե՞ս․․․» ձեւակերպմամբ սկսվող թեման եղել է «Ինչպե՞ս նիհարելը»։

Տարվա՝ ամենաշատ դիտված տեսահոլովակը, բնականաբար, Despacito-ն է։

Դերասանների ցանկում առաջին տեղը Մեգան Մարքլն է զբաղեցնում, որը «Ֆորս մաժորներ» սերիալի աստղն է ու բրիտանացի արքայազն Հարիի հարսնացուն։

Երկրորդ տեղում Քեւին Սփեյսին է, որին մեղադրում են սեռական ոտնձգությունների մեջ։ Երրորդը Գալ Գադոտն է, որը «Հրաշք կին» ֆիլմի գլխավոր դերակատարն է։

Հոլիվուդյան սեքս-սկանդալի եւս մեկ մասնակից՝ կատակերգու Լուի Սի Քեյը, չորրորդ տեղում է։

Հնգյակը եզրափակում է Բիլ Սքարսգարդը, որը հռչակվել է «Այն» սարսափ ֆիլմում իր դերով։

Երաժշտական վարկանիշի առաջատարն է երգչուհի Արիանա Գրանդեն, որի մանչեսթերյան համերգի ժամանակ ահաբեկչություն էր տեղի ունեցել։

Երկրորդ տեղում Linkin Park խումբն է, որը այս տարի կորցրել է իր վոկալիստին՝ Չեսթեր Բենինգթոնին։ Այնուհետեւ՝ Լեդի Գագան, Մըրայա Քերին ու Էդ Շիրանը։

Կորուստների առումով առաջին տեղում ռոք երաժիշտ Թոմ Փեթին է, երկրորդ տեղում՝ Չեսթեր Բենինգթոնը՝ Linkin Park խմբից։

Այս տխուր ցուցակի առաջին հնգյակում են նաեւ ռոք երաժիշտ Քրիս Քորնելը, դերասան Բիլ Փեքսոնը, Playboy ամսագրի հիմնադիր Հյու Հեֆները։

 



© NEWS.am STYLE