Սալմա Հայեքը պատմել է Հարվի Վայնշթեյնի սեռական ոտնձգությունների մասին

Հարվի Վայնշթեյնի շուրջ սեքս սկանդալը շարունակվում է։ Շատ հանրահայտ անձիք (այս պահին արդեն 70 կին) բացահայտ հայտարարում են հայտնի պրոդյուսերի անվայել վարքագծի մասին։ Սալմա Հայեքը

NY Times-ին տված հարցազրույցում նույնպես պատմել է Հարվի Վայնշթեյնի սեռական ոտնձգությունների մասին։

«Հարվի Վայնշթեյնը կրքոտ կինոման էր, տաղանդների հովանավոր, սիրող հայր ու հրեշ։ Երկար տարիներ նա եղել է իմ սարսափը։ Շատ կանայք են պատմել այն մասին, թե ինչ է Հարվին արել իրենց հետ, դրա համար էլ ես ստիպված եղա հաղթահարել իմ սեփական վախկոտությունը ու խոստովանել, որ իմ պատմությունը ընդամենը մեկ կաթիլ է եղել օվկիանոսում։ Մինչեւ վերջերս ես զգում էի, որ ոչ մեկին չի հուզում իմ ցավը։ Հնարավոր է` այդ միտքն արմատացել է իմ գլխում, քանի որ ես բազմիցս լսել եմ, հիմնականում Հարվիից, որ ես ոչնչություն եմ» ,- հայտնել է 51-ամյա դերասանուհին, որը իր Instagram-ում գրել է, որ ինքը նույնպես այլեւս չի կարող լռել։ 

Դերասանուհին հիշել է 2002-ի իրադարձությունները, երբ Վայնշթեյնի հետ միասին աշխատում էին «Ֆրիդա» ֆիլմի վրա, որը «Օսկար» է ստացել։

«Ես այնքան ուրախ էի աշխատել նրա ու նրա ընկերության հետ։ Միամտաբար կարծում էի, թե իմ երազանքն իրականացել է»,- գրել է Սալման։ Դերասանուհին պատմել է, որ Վայնշթեյնը նրան բազմաթիվ անվայել առաջարկություններ է արել, որոնք նա մերժել է։

«Եկել էր իմ հերթը ասելու «ոչ», երբ նա փորձում էր բացել դուռը գիշերվա ցանկացած ժամի, հրավիրել հյուրանոցի սենյակ՝ միասին ցնցուղ ընդունելու, կամ երբ առաջարկում էր ինձ մերսում անել։ Ոչ, ոչ , ոչ ․․․»,- պատմել է Հայեքը Հարվի Վայնշթեյնի ոտնձգությունների մասին։