Հայտնի է դարձել կանանց համար տղամարդկանց ամենագրավիչ տեսակը

Տղանե՛ր, բոլորդ վազքով մարզասրահ, մարզվեք ու Ձեր մարմինը կարգի բերեք, ու կանայք Ձեզ կսիրեն խելագարի պես։ Նման եզրակացության է հանգել բրիտանական The Guardian-ը, բայց արդեն ոչ թե մեծն բրիտանացի գիտնականների հետզոտությունների հիման վրա, այլ ամերիկացի ու ավստրալացի գիտնականների հետազոտության շրջանակում, որի արդյունքները հրապարակվել են Royal Society journal Proceedings B ամսագրում։

Փորձի համար գիտնականները հարցում են իրականացրել 160 կանանց շրջանում, ու պարզվել է, որ նրանց համար ամենագրավիչն այն տղամարդիկ են, որոնք շաբաթական երեքից հինգ անգամ հաճախում են մարզասրահ։
«Մեզ չզարմացրեց, որ կանայք ֆիզիկապես ուժեղ տղամարդկանց գրավիչ են համարում։ Բայց մեզ զարմացրեց, որ դա այդքան հզոր ազդեցություն է թողնում կանանց վրա»,- պատմել է հետազոտողներից մեկը՝ Ահարոն Պրոդակը։

Նրա խոսքով՝ ավելի թույլ տղամարդկանց ոչ ոք գրավիչ չի համարել։ Այսպիսով գիտնականները հերքել են այն տեսությունը, որ աճեցրած մկաններով տղամարդիկ դուր չեն գալիս կանանց։

Հետազոտության մեջ նշվում է, որ կանայք բնազդաբար զգում են, որ ֆիզիկապես ուժեղ տղամարդիկ կկարողանան պաշտպանել ընտանիքը։ Պարադոքսն այն է, որ տղամարդկանց հենց այդ տեսակն է ամենից հազվադեպ պաշտպանում ընտանիքին, ինչը սակայն ոչ մի կերպ չի անդադառնում կանանց նախապատվությունների վրա։

Հետազոտողները նաեւ պարզել են, որ հասակը նույնպես ավելացնում է տղամարդկանց գրավչությունը։ Իսկ ավելորդ քաշը, հակառակը, բացասական գնահատական է ստանում։

«Բայց մենք արդյունքները խոսում են այն մասին, որ նույնիսկ եթե դուք մի քիչ հավելյալ քաշ ունեք, պինդ կազմվածքը կփոխհատուցի դա»,- հավելել են գիտնականները։