Հայկական «Եվա» ֆիլմը դուրս է մնացել «Օսկարի» շորթ լիսթից
11:54 15 դեկտեմբերի, 2017Հայ-իրանական համատեղ արտադրության՝ «Եվա» ֆիլմը դուրս է մնացել 90-րդ «Օսկարի» շորթ լիսթից: Հայկական ազգային կինոակադեմիան ժապավենը ներկայացրել էր «Լավագույն օտարալեզու ֆիլմ» անվանակարգի համար:
Անահիտ Աբադի «Եվա» դրաման՝ Նարինե Գրիգորյանի գլխավոր դերակատարմամբ, պատմություն է կնոջ մասին, ով ուզում է մոռանալ տարիներ առաջ իր կյանքում տեղի ունեցած մութ ու ծանր պատմությունը։ Եվան դստեր հետ հեռանում է Երեւանից, հաստատվում է Արցախում՝ ծանոթների մոտ։ Սակայն, անցյալն ամենուր հետապնդում է նրան․․․
90-րդ «Օսկարի» «Լավագույն օտարալեզու ֆիլմ» անվանակարգի շորթ լիսթում ընդգրկվել են`
«Ֆանտաստիկ կինը» (Չիլի)
«Եզրագծին» (Գերմանիա, ռեժ՝ Ֆաթիհ Աքին)
«Մարմնում եւ հոգում» (Հունգարիա)
Foxtror (Իսրայել)
«Վիրավորանք» (Լիբանան)
«Առանց սիրո» (Ռուսաստան, ռեժ՝ Անդրեյ Զվյագինցեւ)
Félicité (Սենեգալ)
«Վերքը» (Հարավային Աֆրիկա)
«Հրապարակ» (Շվեդիա)