Մոդել Վինի Հարլոուն՝ Love Magazine-ի էրոտիկ օրացույցում
16:05 15 դեկտեմբերի, 2017Love Magazine-ը շարունակում է հրապարակել իր սուրբծննդյան տեսահոլովակները։ Երեկ պարբերականը ներկայացրել է, թերեւս, ամենակրքոտ տեսահոլովակը՝ ժասմին Սանդերսի մասնակցությամբ, որը տնքոցների ներքո ցուցադրում է իր իդեալական պրեսը:
Ըստ տեսագրության տակ օգտատերերի հրապարակած մեկնաբանությունների՝ այս տեսահոլովակը լավագույններից մեկն է ճանաչվել, դե իսկ այսօր պարբերականը ներկայացրել է Վինի Հարլոուի մասնակցությամբ հոլովակ։
Այս տարվա օրացույցը նվիրված է կանացիությանը՝ դրա ամբողջ բազմազանությամբ, իսկ կարգախոսն է Stay Strong («Մնա ուժեղ»)։
Վինի Հարլոուն կանադացի ֆոտոմոդել է ու ակտիվիստ։ Նա հայտնի է դարձել՝ մասնակցելով «Թոփ մոդել ամերիկյան ձեւով» հեռուստանախագծին, նաեւ հայտնի է նրանով, որ մոդելի հաջող կարիերա է արել՝ ունենալով մաշկի պիգմենտացիայի խանգարում։