2017-ի արդյունքները՝ 16-ամյա Քայա Գերբերը տարվա լավագույն մոդելն է, ըստ NEWS.am STYLE –ի
20:07 18 դեկտեմբերի, 2017Սինդի Քրոուֆորդի 16-ամյա դուստրը այս տարի պոդիումի թագուհին էր, բայց NEWS.am STYLE-ը որպես տարվա մոդել նրան է ընտրել ոչ թե որովհետեւ նա մասնակցել է 2017-ի Նորաձեւության բոլոր շաբաթներին։ Ոչ եւ ոչ։ Բանն այն չէ, որ Քայան արժանին է մոր հետքերով գնալուն (ինչպես եւ Սինդիի որդին՝ Փրեսլին, որը նույնպես մոդել է աշխատում)։ Պատճառը մի քիչ այլ է։
Քայա Գերբերը նորաձեւության աշխարհին վերադաձրել է սկզբնական ադեկվատ վերաբերմունքը պրոֆեսիոնալ մոդելների հանդեպ։ Ինչպես հիշում ենք՝ 2016-ը Instagram-ի ու մեդիա մոդելների տարի էր, պոդիումների վրա փայլում էին Քենդալ Ջեները, Ջիջի ու Բելլա Հադիդը, նրանք մասնակցել են Նորաձեւության բոլոր շաբաթներին, համագործակցել բոլոր հայտնի ապրանքանիշերի հետ, իսկ Քարլ Լագերֆելդը Քենդալին իր մուսան է անվանել։ Ճիշտ է, այս տարի նա՝ արդեն մեկ այլ մղումով, Քայա Գերբերին է իր մուսան անվանել։
Բոլորը հոյակապ հասկանում էին, թե ինչ է տեղի ունենում, Քենդալը, Ջիջին ու առավել եւս Բելան որեւէ արտառոց տվյալներ չունեին պոդիումի վրա փայլելու համար։ Նրանք հայտնվել էին նորաձեւության աշխարհում, քանի որ արդեն հարուստ ու հայտնի էին, ի տարբերություն հազարավոր պրոֆեսիոնալ մոդելների, որոնք առայսօր այդպես էլ մնում են ստվերում, չունենալով հնարավորություն բարձրանալ սառցաբեկորի գագաթ։ Ու իզուր չէր Քենդալ Ջեներն ասում, որ Քայա Գերբերը առաջ կանցնի բոլորից, քանի որ նա իրոք գեղեցիկ է, իրոք մոդելի է նման ու իսկապես պրոֆեսիոնալ է, հաշվի առնելով, թե ով է նրան դաստիարակել։
Նորաձեւության աշխարհում սերնդափոխություն է տեղի ունենում՝ հեռանում են Ալեսանդրա Ամբրոսիոն, Ադրիանա Լիման, մի շարք այլ մոդելներ, բայց նոր սերունդը՝ ի դեմս Քենդալի, Ջիջիի ու Բելլայի, չի հասնում նրանց մակարդակին թեկուզ որովհետեւ նրանք չունեն այդ նույն հմայքը։
Ու ահա հայտնվում է Քայան ու վերականգնում պրոֆեսիոնալ մոդել արտահայտության իմաստը, ի ուրախություն Նաոմի Քեմփբելի, որը տարիներ շարունակ պնդում է, որ Vogue-ի քավերներին սկսել են հայտնվել մարդիկ, որոնք բոլորովին չեն աշխատել իրենց վրա, ինչն իհարկե հեղինակազրկում է հանրահայտ ամսագրին, ու անկեղծ ասած՝ միանգամայն արդարացիորեն։
Քայա Գերբերի հետ նորաձեւության աշխարհում կհայտնվի հնարավորություն վերականգնել պոդիումը , որն աշխատում է ոչ թե մեդիայի, այլեւ ինդուստրայում իր սեփական պրոֆեսիոնալիզմի համար։ Հիշեք, Քայային դեռ կանվանեն հեղափոխություն ժամանակակից նորաձեւության աշխարհում։ Մենք այդպես ենք կարծում)))