«Ինձ ատում են իմ գենետիկայի պատճառով». Բրեդ Փիթը դարձավ 54 տարեկան
11:44 18 դեկտեմբերի, 2017Այսօր՝ դեկտեմբերի 18-ին, աշխարհի ամենագեղեցիկ տղամարդկանցից մեկը՝ Բրեդ Փիթը, նշում է ծննդյան տարեդարձը: Դուք չեք հավատա, բայց հոլիվուդյան սրտակերն արդեն 54 տարեկան է: Չնայած այդ փաստին՝ Փիթի մասին շարունակում են երազել բոլորը՝ թե հասուն կանայք, թե երիտասարդ աղջիկները, եւ թե դեռահասները:
Համոզված ենք՝ հմայիչ դերասանին ավելի շատ կսիրեք՝ աչքի անցկացնելով նրա մեջբերումներից մի քանիսը.
«Իմ կարգախոսն է՝ եղիր , ինչպես շնաձուկը: Պետք է անընդհատ շարժման մեջ լինել»:
«Պետք է կորցնես ամեն ինչ, որպեսզի մի բան կարողանաս շահել»:
«Այո, ճշմարտությունն այն է, որ ես այն մարդկանցից եմ, որին ատում են իր գենետիկայի պատճառով»:
«Երջանկությունը չափազանցություն է: Կյանքում պետք է լինեն կոնֆլիկտներ»:
«Մենք այնքան բարդ կառուցվածք ունենք: Ինքներս մեզ համար առեղծվածային ենք, մինչդեռ օտարների համար՝ դժվարըմբռնելի: Բայց դարերից ի վեր ասվում է, թե բոլորս նույնն ենք»:
«Ես շատ քիչ ընկերներ ունեմ, նրանց կարելի է հաշվել մատների վրա, եւ ես ունեմ ընտանիք: Կարող եմ ասել, որ ավելի երջանիկ կյանք չէի էլ կարող ունենալ»:
«Ես միշտ պատերազմում եմ ինքս ինձ հետ՝ ճշմարտության եւ սխալների համար»:
«Իմ կյանքը միշտ լի է եղել մեծ փոփոխություններով»:
«Ինչ-որ տեղ ես դեռ երեխա եմ, որը փորձում է գտնել իր ուղին»:
«Աշխարհ տեսնելը կյանքի ամենակասրեւոր դասն է: Դու տեսնում ես տառապանք, բայց մի ուրիշ տեղ էլ գտեսնում ես ոգի եւ կամք՝ գոյատեւելու համար»: