77-ամյա Ռինգո Սթարն ասպետի կոչում կստանա
13:53 25 դեկտեմբերի, 2017Հայտնի բրիտանացի երաժիշտ, The Beatles խմբի թմբկահար Ռինգո Սթարին Բրիտանական կայսրության ասպետի կոչում կստանա, հայտնում է Daily Mail-ը։
New Year Honours պարգևատրման ամենամյա արարողությունը կկայանա Բուքինգհեմի պալատում հունվարի մեկին։
77-ամյա երաժշտին կպարգևատրեն երաժշտության ու բարեգործության բնագավառում նրա ավանդի համար։
Նշում են, որ Բրիտանական կայսրության Միաբանության կավալերի կոչում Ռինգո Սթարը դեռ 1965-ին էր ստացել։
Միաժամանակ Փոլ Մաքքարթնին ստացել է ասպետի ու Բրիտանական կայսրության միաբանության կավալերի կոչում 1997-ին։
«Ռինգոն շատ հուզված է, որ ասպետի կոչում է ստանալու»,- հայտնել է պարբերականի աղբյուրը՝ հավելելով, որ Ռինգոն արժանի է այդ կոչմանը։